ភ្នំពេញ : សម្តេចតេជោ ហ៊ុន សែន ចូលរួមផ្សំផ្គុំ ឌី ពេជ្រ និង ហុិន ច័ន្ទនីរ័ត្ន ឱ្យចូលរោងការនៅចុងឆ្នាំនេះ ។ សម្តេចតេជោ ពិតជា មានចិត្តប្រកបដោយ ក្តីសន្តោសប្រណី បីបាច់ថែរក្សា ជួយទំនុកបំរុង អោយកូនក្មួយ ទោះមិនមែន ជាសាច់ឈាម ប៉ុន្តែទុកដូចកូន ដើម្បីអ្នកទាំង២ មានឱកាសចាប់ដៃគ្នា ដើរលើវិថី សុភមង្គលពេញ១ជីវិត។
សូមបញ្ជាក់ថា ៖ សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាប្រធានគណបក្សប្រជាជនកម្ពុជា បានប្រកាសផ្សំផ្គុំឱ្យ លោក ឌី ពៅ និងកញ្ញា ហ៉ិន ច័ន្ទនីរ័ត្ន បានរៀបអាពាហ៍ពិពាហ៍ នៅខែធ្នូ ឆ្នាំ២០២៣ខាងមុខនេះ។
តាមបណ្តាញសង្គម នៅថ្ងៃទី២៦ ខែតុលា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងដូច្នេះថា៖
«ដើម្បីចៀសវាងមាត់ចាបមាត់ព្រាប ដូចពាក្យចាស់លោកពោលថា មាត់វែងជាងផ្លូវជុំវិញកូនប្រុស ឌី ពេជ្រ និងកូនស្រី ហុិន ច័ន្ទនីរ័ត្ន។ ក្នុងឋានៈជាឪពុកធំកូនពេជ្រ ខ្ញុំត្រូវតែចូលរួមរៀបចំឲ្យកូនទាំងពីរ បានចូលរោងការតាមប្រពៃណី។
ថ្ងៃស្អែក ២៧ តុលា ២០២៣ ឪពុកម្តាយខាងប្រុសចូលស្តីដណ្តឹងកូនស្រី។ ថ្ងៃទី២២ ខែធ្នូ ២០២៣ កំណត់ជាថ្ងៃរៀបការដែល គ្រួសារទាំងសងខាង និងសាមីខ្លួនបានយល់ស្របតាមខ្ញុំ ដែលជាអាចារ្យធំរៀបចំពេលវេលាបែបនេះ។ ឈាមច្បាស់ជាខាប់ជាងទឹក និងសង្ឃឹមថា ពុំមានអ្នកធ្វើអត្ថាធិប្បាយណា យកទៅបកស្រាយផ្សេងពីនេះទៀតឡើយ»៕
ដោយ : សហការី
