ប្រធានក្រុមជម្រើសជាតិអង់គ្លេសខ្សែប្រយុទ្ធ Harry Kane បានស៊ុតបាល់បញ្ចូលទីមិនគួរឱ្យជឿរហូតដល់៣គ្រាប់ម្នាក់ឯង ទទួលបាន Hat-trick ខណៈដែល Bayern Munich យកឈ្នះ Darmstadt រហូតដល់ ៨–០ ក្នុងជំនួបនៅ Bundesliga កាលពីរាត្រីថ្ងៃទី២៨ ខែតុលា ឆ្នាំ២០២៣នេះ។

 Kane បានបន្តការចាប់ផ្តើមដ៏ល្អរបស់គាត់ក្នុងអាជីពនៅ Bundesliga បន្ទាប់ពីការចាកចេញពីលីកកំពូលអង់គ្លេស ខណៈដែលគាត់បានពង្រីកកំណត់ត្រារបស់គាត់រហូតដល់១២គ្រាប់ក្នុង៩ប្រកួត។

 គាត់បានបំបែកភាពជាប់គាំងបន្ទាប់ពីតង់ទី១ ដែលគ្មានគ្រាប់បាល់កើតឡើង ដែលមានកីឡាករទទួលបានកាតក្រហមចំនួន៣មុនពេលស៊ុតបញ្ចូលទី។ Leroy Sane និង Jamal Musiala ម្នាក់ៗរកបាន២គ្រាប់ ខណៈដែល Thomas Muller ក៏បានស៊ុតបញ្ចូលទី១គ្រាប់ផងដែរនៅក្នុងការឈ្នះដ៏ងាយស្រួលនេះ។

 គ្រាប់បាល់ពីចម្ងាយរបស់ Kane បានទាញយកប្រយោជន៍ពីកីឡាករ Marcel Schuhen ដែលឈរនៅក្រៅបន្ទាត់របស់គាត់ដោយអតីតខ្សែប្រយុទ្ធ Tottenham រូបនេះបានរកគ្រាប់ទី២ និងទី៣នៅចុងម៉ោង។ ការប្រកួតនេះក៏បានឃើញអ្នកចាំទី Bayern និងអាល្លឺម៉ង់ Manuel Neuer ត្រលប់មកវិញបន្ទាប់ពីរបួសជើងពេលកំពុងជិះស្គីក្នុងខែធ្នូ ឆ្នាំ២០២២។

 លទ្ធផលនេះមានន័យថា Bayern នាំមុខនៅ Bundesliga ដោយឈរលើក្រុមលេខ២ចំនួន១ពិន្ទុ បើទោះបីជាពួកគេអាចធ្លាក់ចេញពីចំណាត់ថ្នាក់កំពូល ប្រសិនបើ Bayer Leverkusen ផ្តួល Freiburg នៅថ្ងៃអាទិត្យនេះ។

 ក្រុម Bayern Munich ក្រោមការដឹកនាំរបស់លោក Thomas Tuchel ត្រូវប៉ះ Borussia Dortmund ចុងសប្តាហ៍ក្រោយខណៈដែលក្រុម Darmstadt ឈរនៅលេខរៀងទី១៤ ហើយឈរលើតែ២ពិន្ទុពីលើក្រុមដែលត្រូវកាត់ចោល ៕ (រូបភាព ៖ BBC Sport)