ភ្នំពេញ៖ ជនសង្ស័យម្នាក់ត្រូវបានកម្លាំងនគរបាលធ្វេីការឃាត់ខ្លួនយកទៅសួរនាំនឹងចាត់ការតាមច្បាប់ពាក់ព័ន្ធករណីលួចម៉ូតូប្រជាពលរដ្ឋ។
ការឃាត់ខ្លួននេះបានធ្វេីឡេីងកាលពីវេលាម៉ោង១២និង៤០នាទីរំលងអធ្រាត្រឈានចូលថ្ងៃទី២០ ខែវិច្ឆិកា ឆ្នាំ២០២៣ ស្ថិតនៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ ។
ជនសង្ស័យឈ្មោះហៃ ពន្លឺ ភេទប្រុសអាយុ២៥ឆ្នាំ មុខរបរបេីកបររថយន្ត ស្នាក់នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ។
តាមសមត្ថកិច្ចបានឱ្យដឹងថា នៅមុនឈានដល់ការឃាត់ខ្លួនជនសង្ស័យខាងលេីកម្លាំងបានចុះល្បាតក្នុងមូលដ្ឋានងាយរងគ្រោះដេីម្បីទប់ស្កាត់បទល្មេីសផ្សេងៗលុះមកដល់ចំណុចកេីតហេតុខាងលេីក៏ប្រទះឃេីញជនសង្ស័យម្នាក់ជិះម៉ូតូម៉ាកហុងដាឌ្រីម ស៊េរីឆ្នាំ២០២២ ពណ៌ខ្មៅ ពាក់ស្លាកលេខភ្នំពេញ1JE 7624 ដោយគ្មានសោរ និងស្នាមដោះស្លាកកម៉ូតូដោយឃេីញខុសពីធម្មតា ក៏ហៅឈប់ចែកឆេលេីដងខ្លួនរកឃេីញកូនសោរសម្រាប់កាច់បំបែកគ្រាប់សោរ កម៉ូតូមួយឈុតទេីបឃាត់ខ្លួនតែម្តង។
នៅមុខសមត្ថកិច្ចនសង្ស័យបានសារភាពថាម៉ូតូខាងលេីត្រូវបានមិត្តភក្រ្តម្នាក់ឈ្មោះវ៉ៃ មិនដឹងលួចមកពីណានោះទេដោយឱ្យខ្លួនជួយជិះយកទៅទុកនៅបន្ទប់ជួលខ្លួនសិនតែមិនទាន់ដល់បន្ទប់ជួលផងត្រូវបានសមត្ថកិច្ចឃាត់ខ្លួនតែម្តង។
បច្ចុប្បន្នជនសង្ស័យ និងវត្ថុតាងខាងលើ កំពុងឃាត់ខ្លួនជាបណ្ដោះអាសន្ន ដេីម្បីកសាងសំណុំរឿងបញ្ជូនទៅសាសាដំបូងរាជធានីភ្នំពេញ ចាត់ការតាមផ្លូវច្បាប់៕
ដោយ៖សុខាសែនជ័យ
