ខ្សែការពារ Luke Shaw របស់ក្រុមបិសាចក្រហម Manchester United បានត្រលប់មកហ្វឹកហាត់វិញហើយ បន្ទាប់ពីសម្រាករយៈពេល៣ខែជាមួយនឹងរបួសសាច់ដុំ។

 កីឡាករជម្រើសជាតិអង់គ្លេសវ័យ២៨ឆ្នាំរូបនេះបានបង្ហាញខ្លួនត្រឹមតែ២ ប្រកួតប៉ុណ្ណោះក្នុងរដូវកាលនេះ បន្ទាប់ពីរបួសកាលពីចុងខែសីហា។ រីឯខ្សែ ការពារ ឆ្វេង Tyrell Malacia ក៏ មាន បញ្ហា ជង្គង់ ដែរ ហើយ មិន ទាន់ បង្ហាញ ពី យុទ្ធនាការ នេះ ទេ។

កីឡាករ Sergio Reguilon ដែល ចុះ ហត្ថលេខា ខ្ចី ជើង ពី Spurs បាន ផ្តល់ ការ រ៉ាប់រងកន្លងរបស់ Luke Shaw ដោយ Diogo Dalot, Victor Lindelof និង Sofyan Amrabat ក៏ ចូល លេង នៅ ខ្សែ ការពារ ឆ្វេង ផង ដែរ។

 អ្នកចាត់ការទូទៅក្លិបបិសាចក្រហមលោក Erik ten Hag ត្រូវប្រឈមមុខនឹងបញ្ហារបួសជាច្រើនក្នុងរដូវកាលនេះ ដោយជាមួយគ្នានោះអ្នកចាំទី Andre Onana គឺជាកីឡាករចុងក្រោយគេក្នុងការលេងឱ្យជម្រើសជាតិកាមេរូនក្នុងអំឡុងពេលសម្រាកអន្តរជាតិបានរងរបួស។

 Onana ត្រូវបានគេវាយតម្លៃថា ក្រុមបិសាចក្រហមនឹងមិនមានវត្តមានអ្នកចាំទីរូបនេះនោះទេ សម្រាប់ការប្រកួតនៅ Premier League ក្នុងទឹកដី Everton នៅថ្ងៃអាទិត្យខាងមុខ និងការប្រកួត Champions League ទៅកាន់ទឹកដីក្រុម Galatasaray ៣ថ្ងៃក្រោយមក។

 កីឡាកររបស់ក្រុមបិសាក្រហមដែលកំពុងរងរបួសមានដូចជា Lisandro Martinez រងរបួសជើង, Casemiro រងរបួសភ្លៅ និងChristian Eriksen រងរបួសជង្គង់ ច្បាស់ជានឹងមិនទាន់អាចបង្ហាញខ្លួនភ្លាមៗនោះទេ ខណៈដែល Jonny Evans រងរបួសភ្លៅ, Aaron Wan-Bissaka មានជំងឺ និង Rasmus Hojlund រងរបួសភ្លៅមានការសង្ស័យថា ក៏អាចនឹងមិនទាន់បង្ហាញខ្លួនឆាប់ៗដែរ៕ (រូបភាព ៖ BBC Sport)