ភ្នំពេញ ៖ មានការភ្ញាក់ផ្អេីលមួយ បន្ទាប់ពីអគ្គិភ័យឆាបឆេះផ្ទះល្វែងជាន់ផ្ទាល់ដីចំនួន២ល្វែងយ៉ាងសន្ធោសន្ធៅនៅវេលាម៉ោង ១០ និង៣០ នាទីព្រឹក ថ្ងៃពុធ ២រោច ខែកត្កិត ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៩ ខែវិច្ឆិកា ឆ្នាំ២០២៣ នៅចំណុចផ្ទះលេខ ៥៣អាបេ ផ្លូវ៣៣៨ សង្កាត់ទួលស្វាយព្រៃ២ ខណ្ឌបឹងកេងកង រាជធានីភ្នំពេញ ។
សមត្ថកិច្ចបានឱ្យដឹងថា ម្ចាស់ទីតាំងមានឈ្មោះ លឹម ម៉េងហៃ ភេទ ប្រុស អាយុ ៦៣ ឆ្នាំ ជនជាតិ ខ្មែរ មុខរបរ អ្នកលក់ធុងបាស ។
តាមប្រភពព័ត៌មានពីប្រជាពលរដ្ឋបានឱ្យដឹងថា មុនកេីតហេតុ មានការទុស្សេកាប៉ិនភ្លេីងពីបង្គោលនៅជាប់ផ្ទះកេីតហេតុជាខ្លាំង ។ បន្ទាប់មកមានភ្លេីងឆាបឆេះឡេីងយ៉ាងសន្ធោសន្ធៅដល់ផ្ទះចំនួន០២ល្វែងជាប់គ្នា ទេីបមានអាជ្ញាធរមូលដ្ឋានចុះមកដល់ និងមានរថយន្តពន្លត់អគ្គិភ័យជាច្រេីនគ្រឿងចេញមកធ្វេីការអន្តរាគមន៍បាញ់ទឹកពន្លត់ផងដែរ ។
ក្នុងករណីនេះ សមត្ថកិច្ចជំនាញបានបញ្ចាក់ថា បណ្ដាលមកពីឆ្លងចរន្តអគ្គិសនី ឆេះប្រភេទសំណង់ ថ្មបេតុង ទំហំ ១០ម៉ែត្រ X ២៥ម៉ែត្រ ដោយខូចខាតសម្ភារៈ ឆេះផ្ទះល្វែងជាន់ផ្ទាល់ដីចំនួន០២ល្វែងរួមមាន៖ ម៉ូតូហុងដា PCX ចំនួន ០១ គ្រឿង ,ធុងបាស ៦០ គ្រឿង ,ទូរទស្សន៍ចំនួន ០២ គ្រឿង ,កាំមេរ៉ាសុវត្ថិភាពចំនួន ០២ឈុត ,សម្ភារៈប្រើប្រាស់ប្រចាំថ្ងៃអស់ទាំងស្រុង និងពុំបានឆេះរាលដាលដល់អ្នកក្បែរខាងឡើយ ។ ក្នុងនោះពុំមានមនុស្សបាត់បង់ជីវិតនោះទេ តែមានមនុស្សចំនួន០១នាក់ (ភេទប្រុសរបួសស្រាល) ជាមន្រ្តីការិយាល័យអគ្គិភ័យ ។
គួរបញ្ជាក់ថា កងកម្លាំងបង្ការពន្លត់អគ្គិភ័យនិងសង្គ្រោះបានប្រេីប្រាស់រថយន្តការិយាល័យអគ្គិភ័យចំនួន ១៩ គ្រឿង ប្រេីប្រាស់ទឹកអស់ចំនួន ១៩ រថយន្ត ស្មើរនឹង ៧៦ម៉ែត្រគូប។ រថយន្តជំនួយ:
- រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០១ គ្រឿង ប្រើប្រាស់ទឹកអស់ចំនួន ០១ រថយន្ត ស្មើនឹង ០៦ម៉ែត្រគូប ។
- រថយន្តអគ្គិភ័យទីក្រុងកោះពេជ្រចំនួន ០៣ គ្រឿង ប្រើប្រាស់ទឹកអស់ចំនួន ០៣ រថយន្ត ស្មើនឹង ១២ម៉ែត្រគូប ។
- រថយន្តអគ្គិភ័យទីក្រុងអូឡាំព្យាចំនួន ០២ គ្រឿង ប្រើប្រាស់ទឹកអស់ចំនួន ០២ រថយន្ត ស្មើនឹង ០៨ម៉ែត្រគូប ដោយពន្លត់ចប់ នៅវេលាម៉ោង ១២នឹង០០ នាទីថ្ងៃត្រង់ នាថ្ងៃខែ ឆ្នាំដដែល ៕ ដោយ ៖ ភារ៉ា ដង្កោ
