សារព័ត៌មានរ៉យទ័របានផ្សាយថា អង្គការរដ្ឋអ៊ិស្លាម IS បានសារភាពថា បានបង្កការបំផ្ទុះគ្រាប់បែក សំដៅទៅលើពួកកាតូលិកនៅភាគខាងត្បូងប្រទេសហ្វីលីពីន ដោយបានសម្លាប់មនុស្សយ៉ាងតិច ៤នាក់ និងរបួស៥០នាក់។

ការបំផ្ទុះគ្រាប់បែកនេះបានកើតឡើងក្នុងអំឡុងពេលពិធីសាសនាកាតូលិកពេលព្រឹកនៅសាកលវិទ្យាល័យកីឡាក្នុងក្រុង Marawi រដ្ឋ Mindanao។ ទីក្រុង Marawi ត្រូវបានគ្រប់គ្រងដោយក្រុមជីហាដអ៊ិស្លាមរ៉ាឌីកាល់ អស់រយៈពេលប្រហែលប្រាំខែក្នុងឆ្នាំ 2017។
នៅលើបណ្តាញទំនាក់ទំនងសង្គម Telegram ក្រុម IS បាននិយាយថា សមាជិករបស់ខ្លួនបានបំផ្ទុះគ្រាប់បែក។
ការទម្លាក់គ្រាប់បែកនៅទីក្រុង Marawi បានកើតឡើងបន្ទាប់ពីយោធាហ្វីលីពីនបានបើកប្រតិបត្តិការបង្ក្រាបក្រុមគាំទ្រ IS នៅភាគខាងត្បូងនៃប្រទេស ជាពិសេសប្រតិបត្តិការមួយនៅទីក្រុង Lanao del Sur ដែលបានសម្លាប់មេដឹកនាំក្រុមសកម្មប្រយុទ្ធ Dawlah Islamiya-Maute កាលពីថ្ងៃទី 3 ខែធ្នូ។ មេបញ្ជាការកងកម្លាំងប្រដាប់អាវុធហ្វីលីពីន លោក Romeo Brawner បាននិយាយថា វាអាចទៅរួចដែលថា ការទម្លាក់គ្រាប់បែក គឺជាទង្វើនៃការសងសឹក៕ ដោយធីរីណា

រូប​ថត​: Reuters