ភ្នំពេញ៖ ជនដៃដល់បានយកខ្នេីយធ្វេីសកម្មភាពសម្លាប់នារីជាសង្សាររួចយកទៅព្យួរកនៅបន្ទប់ទឹករហូតធំុក្លិនស្អុយទេីបបែកការណ៍ហេីយបានចូលសារភាពនៅឯអធិការដ្ឋាននគរបាលស្រុកក្រឡាញ់ខេត្តសៀមរាប ដែលពេលនេះកម្លាំងនគរបាលខណ្ឌពោធិ៍សែនជ័យបាននាំខ្លួនជនដៃដល់មកសួរនាំ ដោយជនដៃដល់បានរៀបរាប់ពីដំណេីរដេីមចមអំពីមូលហេតុនៃការសម្លាប់នារីជាសង្សារហេីយ។
សូមបញ្ជាក់ថា ករណីឃាតកម្មខាងលេីនេះបង្កការភ្ញាក់ផ្អេីលកាលពីវេលាម៉ោង១១ព្រឹក ថ្ងៃទី៧ ខែធ្នូ ឆ្នាំ២០២៣ នៅភូមិត្រពាំងថ្លឹង២ សង្កាត់ចោមចៅទី១ខណ្ឌពោធិ៍សែនជ័យ។
ជនរងគ្រោះមានឈ្មោះ ស៊ីម រ៉ាឌី ភេទស្រីអាយុ១៩ឆ្នាំ មុខរបរកម្មការិនីរោងចក្រ ស្នាក់នៅបន្ទប់ជួល ១២សេ ភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ មានស្រុកកំណេីតនៅភូមិសំបួរ ឃុំព្រៃគុយ ស្រុកំពង់ស្វាយ ខេត្តកំពង់ធំ។
ចំណែកជនដៃដល់ឈ្មោះភុំ ផា ភេទប្រុសអាយុ២០ឆ្នាំ នៅបន្ទប់ជួលលេខ៣៧ ជាន់ទី១ ភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ មានស្រុកកំណេីតនៅភូមិគគីកណ្តាល ឃុំលំលង ស្រុកអន្លុងវែង ខេត្តបន្ទាយមានជ័យ។
តាមការបំភ្លឺរបស់ឈ្មោះលំ តាំងយី ភេទស្រី អាយុ៤៣ឆ្នាំ ត្រូវជាម្តាយជនរងគ្រោះបានរៀបរាប់ថា កាលពីថ្ងៃទី៥ ខែធ្នូ ឆ្នាំ២០២៣ វេលាម៉ោង១៩និង១៥នាទី មិនឃេីញកូនស្រីរបស់គាត់ចេញពីធ្វេីការត្រឡប់មកបន្ទប់ជួលដែលស្នាក់នៅជាមួយគាត់ទេ ពេលនោះគាត់បានតេទូរស័ព្ទចំនួន២ដងតែគ្មានអ្នកលេីក ខំដេីររកក៏មិនឃេីញ។ លុះរហូតមកដល់ថ្ងៃទី៧ ខែឆ្នាំដដែល រូបគាត់ក៏បបួលបងប្អូនជីដូនមួយរបស់គាត់មកមេីលនៅបន្ទប់ជួលលេខ៣៧ ជាន់ទី១ ភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ ដែលត្រូវជាសង្សាររបស់កូនស្រីគាត់ ឈ្មោះផា ភេទប្រុស តែទ្វារចាក់សោខាងក្រៅ ពេលនោះក៏ធំុក្លឹនស្អុយរូបគាត់ក៏ចុចពិលអេីតមេីលឃេីញកូនស្រីរបស់គាត់ចង.កជាប់ទៅនឹងទ្វារបន្ទប់ទឹកទេីបរាយការណ៍ទៅសមត្ថកិច្ចតែម្តង។
ក្រោយទទួលព័ត៌មានភ្លាមកម្លាំងមូលដ្ឋានបានចុះទៅដល់ចំណុចកេីតហេតុហុ៊មព័ទ្ធកន្លែងកេីតហេតុរង់ចាំជំនាញមកធ្វេីកោសល្យវិច័យ។ ក្រោយពីកម្លាំងសមត្ថកិច្ចជំនាញពិនិត្យរួចបានបញ្ជាក់ថាជនរងគ្រោះត្រូវបានឃាតកយកខ្នេីយខ្ទប់ច្រមុះរួចយកទៅព្យួរកនៅបន្ទប់ទឹក ហើយគេចខ្លួនបាត់។
រហូតមកដល់ថ្ងៃទី៨ ខែធ្នូ ឆ្នាំ២០២៣នេះ ជនដៃដល់បានចូលខ្លួនទៅសារភាពនៅអធិការដ្ឋានគរបាលស្រុកក្រឡាញ់ ខេត្តសៀមរាបដេីម្បីទទួលកំហុស។ បន្ទាប់មកនគរបាលស្រុកក្រឡាញ់បានទំនាក់ទំនងមកស្នងការដ្ឋាននគរបាលរាជធានីភ្នំពេញដេីម្បីឱ្យម្ចាស់ករណីមកទទួលនិងបន្តនីតិវិធីវិញ។ នៅយប់ថ្ងៃទី៨ខែឆ្នាំដដែល កម្លាំងនគរបាលខណ្ឌពោធិ៍សែនជ័យបានទៅនាំខ្លួនជនដៃដល់មកសួរនាំបន្តដោយសារតែជាម្ចាស់ករណី។
នៅចំពោះមុខសមត្ថកិច្ចជនដៃដល់បានសារភាពថា មូលហេតុដែលធ្វេីឱ្យរូបគេសម្លាប់នារីជាសង្សារ ដោយសារភ្លេីងប្រចណ្ឌនាងមានទំនាក់ទំនងជាមួយប្រុសថ្មី ហេីយមុនពេលកេីតហេតុរូបគេបានឱ្យនាងមកបន្ទប់ជួលខ្លួន ពេលនោះរូបគេក៏សុំទូរស័ព្ទនាងមេីលតែនាងមិនឱ្យធ្វេីឱ្យរូបគេខឹងយ៉ាងខ្លាំងរុញនាងឱ្យដួលទៅនឹងឥដ្ឋរួចយកខ្នេីយមកខ្ទប់ច្រមុះនិងច្របាច់ករហូតដាច់ខ្យល់ស្លាប់។ បន្ទាប់មកក៏យកខ្សែចងកព្យួរទៅនឹងបន្ទប់ទឹកតែម្តង។
បច្ចុបន្នជនដៃដល់សមត្ថកិច្ចជំនាញកំពុងកសាងសំណុំរឿងបញ្ជូនទៅតុលាការដេីម្បីចាត់ការតាមច្បាប់៕ដោយ៖សុខាសែនជ័យ
