ភ្នំពេញ៖ ប្រជាពលរដ្ឋបានប្រទះឃេីញសពបុរសម្នាក់ដេកស្លាប់ដោយមានសភាពហេីមស្អុយរលួយ បង្កការភ្ញាក់ផ្អេីលកាលពីវេលាម៉ោង៥ល្ងាចថ្ងៃទី១៩ ខែធ្នូ ឆ្នាំ២០២៣ នៅក្នុងផ្ទះបាក់បែកមួយកន្លែងក្នុងភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។
ជនរងគ្រោះ មិនទាន់ស្គាល់អត្តសញ្ញាណនៅឡេីយទេ ភេទប្រុស។
តាមប្រភពព័ត៌មានពីអ្នកលក់ខោអាវនៅលេីផ្លូវចោមចៅក្បែរកន្លែងកេីតហេតុបានឱ្យដឹងថា ជនរងគ្រោះជាមនុស្សមានសតិមិនល្អ ជារៀងរាល់ថ្ងៃតែងតែឃេីញដេីរចុះដេីរឡេីង និងចូលទៅដេកក្នុងផ្ទះបាក់បែកខាងលេី តែប៉ុន្មានថ្ងៃនេះមិនឃេីញសោះ លុះមកដល់ថ្ងៃកេីតហេតុខណៈចូលទៅបត់ជេីងក៏ធំុក្លិនស្អុយ ពេលអេីតទៅមេីលក៏ឃេីញដេកស្លាប់ក្នុងផ្ទះបាក់បែកនោះដោយសភាពសពហេីមស្អុយរលួយបាត់ទៅហេីយ ទេីបរាយការណ៍ទៅអាជ្ញាធរមានសមត្ថកិច្ចចុះមកពិនិត្យជាក់ស្តែង។
ក្រោយពិនិត្យសមត្ថកិច្ចបញ្ជាក់ថាជនរងគ្រោះស្លាប់ដោយសារខ្យល់គរ។ បច្ចុប្បន្នសពត្រូវបានយកទៅតម្កល់នៅវត្តអង្គតាមិញដេីម្បីរង់ចាំធ្វេីបុណ្យតាមប្រពៃណី៕ដោយ៖សុខាសែនជ័យ
