ភ្នំពេញ ៖ បុរសម្នាក់បានជិះម៉ូតូតាមដងផ្លូវជាធម្មតា តែអកុសលត្រូវរថយន្តសណ្តោងទូកុងតឺន័របើកមកបញ្រ្ចាស់មកបុកចំពីមុខពេញទំហឹងរួចកិនពីលើបន្ថែមបកក្បាលស្លាប់មួយរំពេច កាលពីវេលាម៉ោង៤និង៥០នាទីភ្លឺថ្ងៃទី២៩ ខែធ្នូឆ្នាំ២០២៣ ចំនុចមុខបុរីញ៉ូថោន លើផ្លូវជាតិលេខ៤ ភូមិអង្គសង្កាត់ចោមចៅទី៣ ខណ្ឌពោធិសែនជ័យ។
បេីតាមប្រភពពីសមត្ថកិច្ចបានឱ្យដឹងថា នៅមុនពេលកើតហេតុ មានគេឃើញបុរសរងគ្រោះបានជិះម៉ូតូមួយគ្រឿងម៉ាកហុងដាឌ្រីម សេ១២៥ពណ៌ខ្មៅ ពាក់ផ្លាកលេខ ភ្នំពេញ 1IV-7335 ធ្វេីដំណេីរតែម្នាក់ឯងតាមបណ្តោយផ្លូវជាតិលេខ៤ ទិសដៅពីកើតមកលិចក្នុងល្បឿនមធ្យម ខណះពេលជិះមកដល់ចំនុចកើតហេតុទល់មុខនិងបុរីញ៉ូថោន ស្រាប់តែមានរថយន្តសណ្តោងទូកុងតឺន័រ ពាក់ផ្លាកលេខ ភ្នំពេញ 3F-0038 បើកដោយបុរសម្នាក់ទិសដៅបញ្រ្ចាស់គ្នាពីលិចមកកើតក្នុងល្បឿនលឿនហេីយជ្រុលទៅបុកម៉ូតូជនរងគ្រោះចំពីមុខយ៉ាងពេញទំហឹង បណ្តាលឲ្យម៉ូតូដួលរួចក្រោមកង់រថយន្តកិនទៅលើបុរសជាម្ចាស់ម៉ូតូចំក្បាលបណ្តាលឲ្យបែកខួរស្លាប់មួយរំពេច ។ ភ្លាមៗរថយន្តបង្កបានបន្តល្បឿនរត់ទៅមុខជាច្រេីនម៉ែត្រ ទេីបឈប់ចុះពីលេីរថយន្តទុក គេចខ្លួនបាត់ស្រមោល ។
ក្រោយកើតហេតុ សមត្ថកិច្ចមូលដ្ឋានប៉ុស្តិ៍នចោមចៅទី៣ បានចុះមកពិនិត្យជុំវិញទីតាំងកើតហេតុ រួចទំនាក់ទំនងទៅមន្ត្រីជំនាញចរាចរណ៍រាជធានីភ្នំពេញ មកធ្វេីវាស់វែងយករថយន្តបង្កខាងលើនិងម៉ូតូជនរងគ្រោះទៅរក្សារទុកបណ្ដោះអាសន្នរង់ចាំឲ្យភាគីសងខាងចូលខ្លួនធ្វើការដោះស្រាយតាមនីតិវិធី ។បន្ទាប់មកសមត្ថកិច្ចជំនាញធ្វើកំណត់ហេតុប្រគល់សពឱ្យទៅក្រុមគ្រួសារយកទៅធ្វើបុណ្យតាមប្រពៃណី៕ដោយ ៖ ភារ៉ា ដង្កោ
