ខេត្តកំពង់ចាម ៖ ក្មេងទំនើងមួយក្រុមជិះម៉ូតូ០២គ្រឿង ដេញកាប់ក្ម្មេងមួយក្រុមទៀត ជ្រុលទៅបុករថយន្តស្លាប់ម្នាក់ របួស០៣នាក់។
ហេតុការណ៍នេះកើតឡើងនៅវេលាម៉ោង១៦.០០នាទីល្ងាច ថ្ងៃទី១១ ខែមករា ឆ្នាំ២០២៤ នៅលើផ្លូវជាតិលេខ៦ ចន្លោះគីឡូម៉ែត្រ ៨៧.៨៨ ស្ថិតនៅភូមិត្រពាំងស្លា ឃុំសំពងជ័យ ស្រុកជើងព្រៃ ។ មានក្មេងចំនួនមួយក្រុមជិះម៉ូតូ០២គ្រឿង ។
ក្មេងរងគ្រោះមាន៖
១.ឈ្មោះហេង ចាន់ទិ ភេទប្រុស អាយុ២២ឆ្នាំ រស់នៅភូមិសង្កែ ឃុំស្តើងជ័យ ជិះម៉ូតូម៉ាកC125(០២៣)ពណ៌ខ្មៅស្លាកលេខក.ច1AD8286(ស្លាប់)និងអ្នកជិះពីក្រោយឈ្មោះភាព សុភ័ក្រ្កភេទប្រុសអាយុ២៥ឆ្នាំរស់នៅភូមិឃុំជាមួយគ្នា(របួសធ្ងន់)បានជិះរេចង្កូតបុករថយន្តម៉ាកMGស្លាកលេខភ.ព2AV8946 ទិសដៅបញ្ជ្រាសគ្នា អ្នកបើកបររថយន្តមិនស្គាល់អត្តសញ្ញាណ(រត់គេចខ្លួនបាត់)។
២.ឈ្មោះឡា រតនា ភេទប្រុសអាយុ១៧ឆ្នាំរស់នៅភូមិត្រពាំងទឹម ឃុំព្រីងជ្រុំ ស្រុកជើងព្រៃ(របួសធ្ងន់) ជិះម៉ូតូម៉ាកC125ពណ៌ខ្មៅស្លាកលេខភ.ព1GU3640 បានឌុបឈ្មោះភាង ជីង ភេទប្រុសអាយុ១៨ឆ្នាំ រស់នៅភូមិចំបក់ ឃុំសំពងជ័យ ស្រុកជើងព្រៃ(របួសធ្ងន់)បានជិះរេចង្កូតទៅបុករោងលក់ដូរចិញ្ចើមផ្លូវ។
_មូលហេតុប្រើប្រាស់ល្បឿនលឿន
_ករណីខាងលើបណ្តាលឲ្យ ស្លាប់០១នាក់.របួសធ្ងន់០៣នាក់ ខូចរថយន្ត០១គ្រឿ.ម៉ូតូ០២គ្រឿង។
ករណីនេះវត្ថុតាងរក្សាទុកនៅ អធិការដ្ឋាននគរបាលស្រុកដើម្បីបន្តនីតិវិធី៕
ដោយ៖ វណ្ណៈ
