កីឡាករSadio Mane និងប្រពន្ធវ័យ១៨ឆ្នាំដែលទើបតែរៀបការថ្មោងថ្មីមិនទាន់មានគម្រោងទៅក្រេបទឹកឃ្មុំឡើង ដោយសារតែប្រពន្ធត្រូវវិលត្រលប់ទៅសាលារៀនប្រលងបញ្ចប់ចំណែកប្តីមានកាតព្វកិច្ចលេងបាល់ទាត់ក្នុងកម្មវិធីពានរង្វាន់ទ្វីបអាហ្រ្វិក Africa Cup of Nations ។

អតីតកីឡាករបាល់ទាត់របស់ក្រុមហង្សក្រហមLiverpoolនេះបានរៀបការជាមួយនឹងភរិយាឈ្នោះ Aisha Tamba តាមបែបប្រពៃណីមូស្លីមកាលពីថ្ងៃទី៧ខែមករានៅក្នុងទីក្រុង Dakar ប្រទេសសេណេហ្គាល់។ កីឡាករSadio Mane កំពុងតែនៅជាមួយនឹងក្រុមជម្រើសជាតិខ្លួនដែលលេងនៅក្នុងប្រទេសកូឌីវ័រហើយការប្រកួតនេះនឹងចប់នៅថ្ងៃទី១១ខែកុម្ភះ២០២៤។

ប្រភពជិតស្និតនឹងកីឡាករSadio Mane ឲដឹងថាពួកគេនឹងធ្វើដំណើរទៅក្រេបទឹកឃ្មុំក្រោយការប្រកួតពានរង្វាន់នេះចប់ ឬក៏អាចទៅមុនប្រសិនបើក្រុមសេណេហ្គាល់ជ្រុះចេញពីកម្មវិធីមុន។