ភ្នំពេញ៖ បុរស២នាក់ជិះម៉ូតូតាមដងផ្លូវត្រូវជនសង្ស័យ៣នាក់ប្រដាប់ដោយដាវនិងដែកឆាបដេញកាប់ ចាក់តែត្រូវកម្លាំងសមត្ថកិច្ចល្បាតមកទាន់ឃាត់ខ្លួនបានភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង១១និង៥០នាទីយប់ ថ្ងៃទី១៣ ខែមករា ឆ្នាំ២០២៤ នៅភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ។
ជនសង្ស័យទី១ឈ្មោះហឿន តារា ភេទប្រុសអាយុ១៩ឆ្នាំ មុខរបរជាជាង ស្នាក់នៅភូមិថ្មគោល សង្កាត់ចោមចៅទី២ ខណ្ឌពោធិ៍សែនជ័យ។
ជនសង្ស័យទី២ឈ្មោះជា សារួន ភេទប្រុសអាយុ១៩ ឆ្នាំ មុខរបរកម្មករោងចក្រ ស្នាក់នៅភូមិថ្មគោល សង្កាត់ចោមចៅទី២ ខណ្ឌពោធិ៍សែនជ័យ។
ទី៣ឈ្មោះ អឿន ចាន់រដ្ឋ ភេទប្រុសអាយុ១៨ឆ្នាំ មុខរងរបរកម្មរោងចក្រ ស្នាក់នៅភូមិថ្មគោល សង្កាត់ចោមចៅទី២ ខណ្ឌពោធិ៍សែនជ័យ។
ចំណែកជនរងគ្រោះទី១ឈ្មោះខុំ ថាំងចេង ភេទប្រុសអាយុ២៨ឆ្នាំ មុខរបរបេីកបរ ស្នាក់នៅភូមិព្រៃមាន សង្កាត់ក្រាំងធ្នង់ ខណ្ឌសែនសុខ។
ទី២ឈ្មោះសុខ វីសាល ភេទប្រុសអាយុ៣២ឆ្នាំ មុខរបរជាជាង ស្នាក់ភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុជនរងគ្រោះជិះម៉ូតូម៉ាកBeat ពណ៌ក្រហម ពាក់ស្លាកលេខកំពង់ស្ពឺ 1W 7545 ចេញពីកន្លែងបុណ្យភូមិនៅភូមិគោកចំបក់ ខណៈមកដល់ក្បែរវត្តអង្គតាមិញស្រាប់តែមានជនសង្ស័យមួយក្រុមជិះម៉ូតូម៉ាកស្កូបពីពណ៌ស ពាក់ស្លាកលេខភ្នំពេញ1KH 8076 បញ្ច្រាសទិញគ្នាមកបុកម៉ូតូជនរងគ្រោះបណ្តាលឱ្យដួលរងការខូចខាត ភ្លាមនោះជនសង្ស័យបានដកដែកឆាបចេញពីចង្កោះដេញចាក់ជនរងគ្រោះតែមិនត្រូវភ្លាមនោះស្រាប់តែមានកម្លាំងនគរបាលល្បាតក្នុងមូលដ្ឋានមកដល់ក៏ឃាត់ខ្លួនជនសង្ស័យបានភ្លាមៗតែម្តង។
ក្រោយឃាត់ខ្លួនសមត្ថកិច្ចឆែកឆេក្នុងមូលរកឃេីញដាវកែឆ្នៃមួយដេីមទៀត។ នៅមុខសមត្ថកិច្ចជនសង្ស័យបានសារភាពថាពួកគេពិតជាបានទុកដាកនិងដែកឆាបនៅជាប់ម៉ូតូពិតប្រាកដមែន។
បច្ចុប្បន្នជនសង្ស័យកំពុងសួរនាំនៅអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមនិតិវិធី៕ដោយ៖សុខាសែនជ័យ
