នៅថ្ងៃទី 31 ខែមករា ស្តេចស៊ុលតង់ អុីប្រាហ៊ីម ទី 17 របស់ម៉ាឡេស៊ីបានឡើងគ្រងរាជ្យជាផ្លូវការ ដែលនេះជាឱកាសដ៏សំខាន់មួយនៅក្នុងប្រវត្តិសាស្ត្រនៃរាជាធិបតេយ្យអាស្រ័យរដ្ឋធម្មនុញ្ញនៅក្នុងប្រទេសអាស៊ីអាគ្នេយ៍។

ព្រះរាជពិធីនេះបានប្រព្រឹត្តទៅយ៉ាងឱឡារិកនៅព្រះបរមរាជវាំង និងមានការផ្សាយផ្ទាល់ទូទាំងប្រទេស។ បន្ទាប់ពីការស្វាគមន៍យ៉ាងម៉ឺងម៉ាត់ក្នុងប្រពៃណីយោធា ស្តេចស៊ុលតង់ អុីប្រាហ៊ីម បានត្រួតពិនិត្យឆ្មាំកិត្តិយសនៅទីលានព្រះបរមរាជវាំង ហើយយាងចូលព្រះបរមរាជវាំង ដើម្បីចូលរួមកិច្ចប្រជុំពិសេសលើកទី 264 នៃសន្និសីទម៉ាទ្រីស ឡៃ រួមជាមួយនឹងពិធីសច្ចាប្រណិធានរបស់ព្រះមហាក្សត្រទី 17 ។
យោងតាមសារព័ត៌មាន Straits Times របស់សិង្ហបុរី មុនពេលពិធីឡើងគ្រងរាជ្យ ស្តេចស៊ុលតង់ អុីប្រាហ៊ីម បានសម្តែងការប្តេជ្ញាចិត្តយ៉ាងមុតមាំរបស់ព្រះអង្គក្នុងការប្រយុទ្ធប្រឆាំងនឹងអំពើពុករលួយ ក៏ដូចជាតួនាទីយ៉ាងសកម្មក្នុងការអភិវឌ្ឍរបស់ប្រទេស។ នៅប្រទេសម៉ាឡេស៊ី ព្រះមហាក្សត្រគឺជានិមិត្តរូបមួយដែលត្រូវបានគេស្គាល់ថាសម្រាប់តួនាទីរបស់ទ្រង់ក្នុងការការពារសាសនាអ៊ិស្លាម និងប្រពៃណីម៉ាឡេ។ ព្រះមហាក្សត្រគឺជាប្រមុខរដ្ឋនៃប្រទេសម៉ាឡេស៊ី យោងទៅតាមច្បាប់សហព័ន្ធ និងរដ្ឋធម្មនុញ្ញរបស់ប្រទេស ហើយក៏ជាមេដឹកនាំបន្ទាប់បន្សំនៃកងកម្លាំងប្រដាប់អាវុធម៉ាឡេស៊ីផងដែរ៕ ដោយធីរីណា

រូប​ថត​: bernama