ភ្នំពេញ៖ កម្លាំងកងរាជអាវុធហត្ថរាជធានីភ្នំពេញបានស្រាវជ្រាវមុខសញ្ញាជំនាញគាស់កែបម៉ូតូយកទ្រព្យសម្បត្តិ នៅតាមកន្លែងផ្ញើររហូតឈានទៅដល់ការឃាត់ខ្លួនជនសង្ស័យម្នាក់ និងដកហូតបានគ្រឿងញៀនជាក់ស្តែងចំនួន៥កញ្ចប់តូច ។

ករណីឃាត់ខ្លួនជនសង្ស័យខាងលើនេះ បានធ្វើឡើងកាលពីរសៀលថ្ងៃទី១៣ ខែកក្កដា ឆ្នាំ២០១៦ នៅចំណុចមុខក្លឹបទ្រូហ្វេស ផ្លូវ៩០ សង្កាត់ស្រះចក ខណ្ឌដូនពេញ រាជធានីភ្នំពេញ ។

តាមប្រភពព័ត៍មានពីសាក្សីនៅកន្លែងកើតហេតុ បានឲ្យដឹងថា នៅមុនពេលឃាត់ខ្លួនជនសង្ស័យខាងលើនេះ គឺកម្លាំងកងរាជអាវុធហត្ថរាជធានីភ្នំពេញ បានស្រាវជ្រាវ និងកំណត់ជនសង្ស័យនេះគឺជាមុខចោរ ដែលមានជំនាញគាស់កែបម៉ូតូលួចយកទ្រព្យសម្បត្តិប្រជាពលរដ្ឋតាមផ្សារ និងសិស្សនិស្សិតនៅតាមសាលាដែលតែងតែផ្ញើរម៉ូតូនោះ លុះដល់ថ្ងៃឃាត់ខ្លួនខាងលើ កម្លាំងទទួលបានព័ត៍មានថាជនសង្ស័យកំពុងតែធ្វើសកម្មភាពចែកចាយគ្រឿងញៀននៅចំណុចមុខក្លឹបទ្រូហ្វេស ផ្លូវលេខ៩០ ក្នុងសង្កាត់ស្រះចក ខណ្ឌដូនពេញ ក៏ចុះមកអន្តរគមន៍ និងឃាត់ខ្លួនជនសង្ស័យនេះ ព្រមទាំងដកហូតថ្នាំញៀនប្រភេទម៉ាទឹកកកចំនួន៥កញ្ចប់តូចតែម្តង ។

បច្ចុប្បន្នជនសង្ស័យ និងវត្ថុតាងគ្រឿងញៀនត្រូវបានបញ្ជូនទៅបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីសាកសួរនិងកសាងសំណុំរឿងចាត់ការតាមច្បាប់ ៕

ដោយ៖ ស ដារ៉ា