ភ្នំពេញ៖ ក្មេងៗប្រហែល១០នាក់នាំគ្នាចុះទៅលេងទឹកស្រះក្បែរផ្ទះស្រាប់តែមានក្មេងម្នាក់លង់ទឹកភ្លាមនោះក៏មានក្មេងប្រុសម្នាក់ទៀតចុះទៅជួយក៏លង់ខ្លួនឯងលិចបាត់ទៅបង្កការភ្ញាក់ផ្អេីលកាលពីវេលាម៉ោង១និង៤០នាទីរសៀលថ្ងៃទី ៣ ខែមីនា ឆ្នាំ២០២៤ នៅចំនុច ស្រះទឹក ភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យរាជធានីភ្នំពេញ។
ជនរងគ្រោះ សព ឈ្មោះ អឿនស៊ូគឹមហេង ភេទប្រុសអាយុ១២ឆ្នាំមុខរបរ សិស្សទីលំនៅបច្ចុប្បន្នបន្ទប់ជួលភូមិ ត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជយ័
ឪពុកឈ្មោះអឿនសុកលមុន្នី អាយុ៤៣ឆ្នាំមុខរបរ ធ្វើសំណង់
ម្តាយ ឈ្មោះមាណ ភាព អាយុ៤០ មុខរបរកាត់ដេរ។
តាមប្រភពព័ត៌មានពី កន្លែងកេីតហេតុ បានឱ្យដឹងថានៅមុនពេលកេីតហេតុ មាន ក្មេងៗក្នុង ភូមិប្រហែល១០នាក់មកលេង ទឹកក្នុងស្រះ កេីតហេតុខាងលើ ក្រោយមកស្រាប់តែមានក្មេងម្នាក់បានលង់ទឹកពេលនោះជនរងគ្រោះបានទៅជួយក៏លង់ទឹកដែរបន្ទាប់មកក៏មានក្មេងម្នាក់ទៀតឈ្មោះង៉ាសក្ក័ដាភេទប្រុសអាយុ១៣ឆ្នាំបានទៅជួយបានម្នាក់ចំនែកជនរងគ្រោះបានលិចបាត់ក្នុងទឹកស្រះ។ បន្ទាប់មកក៏អ្នកភូមិបានចុះរាវរកជនរងគ្រោះប្រហែលជា១ម៉ោងក្រោយមកក៏បានរកឃើញតែជនរងគ្រោះបានលង់ទឹកស្លាប់បាត់ទៅហើយ។
បច្ចុប្បន្នសពបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី៕ដោយ៖សុខាសែនជ័យ
