ខេត្តពោធិ៍សាត់ ៖ លោក លឹម សុក្រឹត នាយរងផ្នែករដ្ឋបាលជលផលរាំងទិល និងជានាយសង្កាត់រដ្ឋបាលជលផលបាកាន បានឲ្យដឹងនៅវេលាព្រឹកថ្ងៃព្រហស្បត្តិ៍ ១២រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៧ ខែមីនា ឆ្នាំ២០២៤ នេះថា ចៅក្រមស៊ើបសួរនៃសាលាដំបូងខេត្តពោធិ៍សាត់ បានសម្រេចចេញដីកាបង្គាប់ឲ្យខ្លួនជាបណ្ដោះអាសន្ន លើអ្នកធ្វើនេសាទដោយប្រើប្រាស់ឧបករណ៍ប្រភេទ(ឈិបយន្ត)២នាក់នោះហើយ ដើម្បីធានាក្នុងការស៊ើបអង្កេតឲ្យបានត្រឹមត្រូវតាមនីតិវិធីបន្ទាប់សមត្ថកិច្ចរដ្ឋបាលជលផល និងចូលរួមសហការពីកងកម្លាំងប្រដាប់ដោយអាវុធ(យោធា)សឹករងខេត្ត ធ្វើការបង្រ្កាបខណៈពួកគាត់កំពុងធ្វើនេសាទជាក់ស្ដែង ។
គួររំលឹកថា អ្នកនេសាទត្រូវបានឃុំខ្លួនកម្លាំងសមត្ថកិច្ចសរុបប្រមាណ១០នាក់ មធ្យោបាយកាណូតចំនួន០២គ្រឿង ចុះពិនិត្យ ទប់ស្កាត់ និងបង្កាបបទល្មើសជលផលពីគោលដៅផ្សេងគ្នា ចាប់ពីចំណុចឃុំរាំងទិល ស្រុកកណ្ដៀង រហូតដល់ឃុំមេទឹក ស្រុកបាកាននៃខេត្តពោធិ៍សាត់ លទ្ធផលៈ ប្រទះឃើញការធ្វើនេសាទជាក់ស្ដែង ដោយប្រើប្រាសឧបករណ៍ប្រភេទ(ឈិបយន្ត)១ករណី ដែលឧបករណ៍ប្រភេទនេះខុសច្បាប់ស្ដីពីជលផល ។
លោក បញ្ជាក់បន្ថែមទៀតថា ជនប្រព្រិត្យទី-១ ឈ្មោះ សឿន តាំងអ៊ាម ភេទប្រុស អាយុ ៣២ឆ្នាំ ជនជាតិខ្មែរ និងទី-២ ឈ្មោះ សឿន សេងលី ភេទប្រុស អាយុ ២៧ឆ្នាំ ជនជាតិខ្មែរ បច្ចុប្បន្ន អ្នកទាំង២នាក់ រស់នៅផ្ទះផែបណ្ដែតលើផ្ទៃទឹកបឹងទន្លេសាប ស្ថិតនៅភូមិចារុះ ឃុំរាំងទិល ស្រុកកណ្ដៀង ខេត្តពោធិ៍សាត់ ។ ក្នុងនោះដកហូតវត្ថុតាងរួមមានៈ កាណូតស្មាច់ទំហំ ប្រវែងប្រមាណ៩.២ម៉ែត្រ គុណនឹង ទទឹងប្រវែងប្រមាណ ១.២ម៉ែត្រ និងជម្រៅ០.៨តឹក ភ្ជាប់ម៉ាស៊ីនម៉ាក ម៉ាស្ដា ៣៥សេសចំនួន០១គ្រឿង និង០២គ្រឿងទៀតប្រវែងប្រមាណ៧.៩ម៉ែត្រ គុណនឹងទទឹងប្រវែងប្រមាណ១.៥ម៉ែត្រ ជម្រៅ១ម៉ែត្រ ភ្ជាប់ម៉ាស៊ីនម៉ាក ហ៊ីណូតា ១៨សេះចំនួន០២គ្រឿង សាច់ឈិបយន្តមុខកាត់ប្រវែង៦ម៉ែត្រ ឈើ! ដងឈិបយន្តចំនួន០២គូរ(០៤)ត្រីកញ្ចុះ(ខូចគុណភាព)ទម្ងន់៨៥០គីឡូក្រាម វត្ថុតាងទាំងអស់សមត្ថកិច្ចរដ្ឋបាលជលផលរក្សា ដើម្បីរងចាំបន្តនីតិវិធី ៕ ដោយៈ ប៉ឹម ពិន
