ខេត្តស្វាយរៀង: បុរសជា ជនសង្ស័យម្នាក់ ទំនងមានសតិមិនល្អ បានដើរចូលផ្ទះអ្នកភូមិប្រើហិង្សា ដោយបានយក កាំបិទមុខស្រូចឆូត បណ្ដាលអោយម្ចាស់ផ្ទះរងរបួសហើយរត់គេចខ្លួនបាត់។
ហេតុការណ៍នេះបានកើតឡើងនៅវេលាម៉ោង១១និង៤៥នាទីយប់ ថ្ងៃទី១៤ ខែមីនា ឆ្នាំ២០២៤ ស្ថិតនៅចំណុច ភូមិធំឃុំត្នោតស្រុកកំពង់រោទ៍។
យោងតាមសមត្ថកិច្ចនគរបាលស្រុកបានអោយដឹងថាបុរសរងគ្រោះមានឈ្មោះសេក គង់ភេទប្រុស អាយុ៤២ឆ្នាំ មុខរបរកសិកររស់នៅភូមិធំ ឃុំត្នោត ស្រុកកំពង់រោទិ៍ ខេត្តស្វាយរៀង។
ចំណែកបុរសសង្ស័យមានឈ្មោះឡុង មករា អាយុ៤១ ឆ្នាំមុខរបរកសិករ រស់នៅភូមិធំឃុំត្នោតស្រុកកំពង់រោទិ៍ ខេត្តស្វាយរៀង ។
ប្រភពបន្តថា មានករណីហឹង្សាដោយចេតនាមានស្ថានទម្ងន់ទោសមួយកើតឡើងបង្កឡើងដោយជន
សង្សយ័ បានដើរចូលផ្ទះអ្នកភូមិ ទាំងកណ្ដាលយប់ បានយកកូនកាំបិទមុខស្រូចឆូតទៅលើបុរសរងគ្រោះបណ្តាលអោយរងរបួស លើស្មាផ្នែកខាងឆ្វេងនិម្រាមមេដៃខាងឆ្វេង ។
ក្រោយពីធ្វើសកម្មភាព សង្ស័យក៏បានរត់ចេញពីផ្ទះជនរងគ្រោះបាត់ទៅ បន្សល់ទុកវត្ថុតាំងរួមមាន កូនកាំបិតមុខស្រូច០១កាំភ្លើងឆ្នៃបាញ់ហ្គាស់០១
ដើមនិងស្បែកជើងស៊ក០១គូ។
បច្ចុប្បន្ន សមត្ថកិច្ចមូលដ្ឋាន កំពុងធ្វើការស្រាវជ្រាវ ស្វែងរកជនសង្ស័យ ដើម្បីចាត់ការតាមច្បាប់៕
