ខេត្តបន្ទាយមានជ័យៈនគរបាលស្រុកស្វាយចេកឃាត់ខ្លួនមុខសញ្ញាជួញដូរនិងប្រើប្រាស់គ្រឿងញៀនប្រុស ស្រី៥នាក់ជាបន្តបន្ទាប់ នៅ ថ្ងៃទី ២០ខែមីនាឆ្នាំ២០២៤ ។
សមត្ថកិច្ចប្រាប់ថាៈ កម្លាំងជំនាញនៃអធិការដ្ឋាននិងកម្លាំងប៉ុស្តិ៍នគរបាលតាបែនបានចេញល្បាតដឹកនាំដោយ:
១ លោកវរសេនីយ៍ទោ រឿន សាយកន ឋានៈ អធិការរង
២ លោកវរសេនីយ៍ត្រី ស៊ុន គឿត ឋានៈ អធិការរង
ចេញល្បាតនៅចំណុចស្ពានឆ្លងស្ទឹងខាងលិចភូមិគោករកា ឃុំតាបែន ស្រុកស្វាយចេក ចម្ងាយប្រហែល៤០០ម៉ែត្រ(ចំណុចស្មុកស្មាញ)បានជួបមនុស្ស០២នាក់ស្រី០១នាក់ជិះម៉ូតូ ០១ គ្រឿង ។
នគរបាលស្រុកស្វាយចេកបានឲ្យដឹងថា:ជនសង្ស័យឃាត់ខ្លួនបាន ១ ឈ្មោះ រិត សីហា (ហៅកែប)ជាមុខសញ្ញាសង្ស័យជួញដូរនិងប្រើប្រាស់គ្រឿងញៀន) ភេទប្រុសអាយុ ១៧ ឆ្នាំនៅភូមិគោកខ្វាវ ឃុំរលួស ស្រុកស្វាយចេក។
២ ឈ្មោះ ផ្លាង ផាក់ប៊ុង ភេទស្រី អាយុ១៧ ឆ្នាំនៅភូមិបត់ត្រង់ ឃុំបត់ត្រង់ ស្រុកមង្គល់បូរី ខេត្តបន្ទាយមានជ័យ ។
នគរបាលបានបន្តថា:នៅពេលសមត្ថកិច្ចធ្វើការត្រួតពិនិត្យស្រាប់តែឈ្មោះ រិត សីហា បានលូកដៃឆ្វេងចូលហោប៉ាវខោខាងក្រោយផ្នែកខាងឆ្វេងបម្រុងទំលាក់អ្វីចោលក៏ត្រូវសមត្ថកិច្ចយើងចាប់ដៃជាប់ និងរកឃើញម្សៅក្រាមពណ៌សរថ្លា ០១ កូនថង់ និង ០២ ដុំទៀតមានចំនួន០៨ថង់ឃើញនៅនឹងដីក្បែរ ជើងឈ្មោះសីហាតែម្តង ។
នគរបាលបញ្ជក់ទៀតថា:នៅថ្ងៃទីខែឆ្នាំដដែលវេលាម៉ោង ២៣:៥០ នាទី មានឈ្មោះ ហ៊ូ ពិដោរ (ហៅតឿ) ភេទប្រុសអាយុ២៨ ឆ្នាំនៅភូមិទ្រាស ឃុំទ្រាស ស្រុកស្វាយចេក បានតេទូរស័ព្ទមកកុម្មង់ទិញថ្នាំញៀនពីឈ្មោះ សីហា ក្នុងតម្លៃ ១៥.០០០ រៀល យើងក៏បានធ្វើការឃាត់ខ្លួនឈ្មោះខាងលើនៅចំណុចខ្លោងទ្វារវត្តស្លក្រាម ភូមិគោកតាឯក ឃុំតាបែន ។យោងតាមចម្លើយសារភាពរបស់ឈ្មោះ រិត សីហា (ហៅកែប) បានឆ្លើយសារភាពថាថ្នាំញៀន០៩កូនថង់ខាងលើគឺ ឈ្មោះ យ៉ុន ទីណូ ភេទប្រុសអាយុ ៣៤ ឆ្នាំនៅភូមិគោកខ្វាវ ឃុំស្វាយចេក បានអោយខ្លួនទៅយកថ្នាំញៀននៅចំណុចដីឡូថ្មីខាងលិច ឃុំតាបែន ស្រុកស្វាយចេកចម្ងាយប្រហែល១០គីឡូម៉ែត្រដើម្បីយកមកលក់បន្ត
ដោយមានបទបញ្ជាពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តនិងមានការសម្របសម្រួលពី ឯកឧត្តមព្រះរាជាអាជ្ញា អមសាលាដំបូងខេត្ត
នៅថ្ងៃទី ២១ ០៣ ២០២៤ វេលាម៉ោង ០៧ និង ០០ នាទី យើងក៏បានបន្តទៅឃាត់ខ្លួន
១ ឈ្មោះ យ៉ុន ទីណូ នៅភូមិឃុំខាងលើ វត្ថុតាង ម្សៅក្រាមពណ៌សថ្លា ១៥ កូនចង់ ជញ្ជីងសម្រាប់ថ្លឹងថ្នាំញៀន ០១ គឿង
២ ឈ្មោះ សិ ភាព ភេទប្រុសអាយុ ១៩ ឆ្នាំនៅភូមិរលួស ឃុំរលួស ស្រុកស្វាយចេក ។បច្ចុប្បន្នជនសង្ស័យនិងវត្ថុតាងកម្លាំងជំនាញកំពុងរៀបចំសំណុំរឿង ដើម្បីអនុវត្ត តាមនីតិវិធី ៕វណ្ណា
