ខេត្តស្វាយរៀង: មានភ្លៀងមួយមេធំលាយនិងខ្យល់កន្ត្រាក់ បណ្ដាលអោយ ផ្ទះ៤ខ្នងដួលរលំនិងប៉ើងដំបូល សំណាងមិនមានមនុស្សគ្រោះថ្នាក់នៅក្រុងស្វាយរៀង។
ហេតុការណ៍នេះបានកើតឡើងនៅវេលាម៉ោង៤និង៣០នាទីរសៀល ថ្ងៃទី០២ ខែមេសា ឆ្នាំ២០២៤ នៅសង្កាត់ចេកក្រុងស្វាយរៀង។
យោង តាមអាជ្ញាធរក្រុងស្វាយរៀង បានអោយដឹងថា
កាលពីវេលាម៉ោង៤និង៣០នាទីរសៀល មានភ្លៀង និងខ្យល់កន្ត្រាក់ ចំសង្កាត់ចេក បានធ្វើឲ្យដូលរលំ និងប៉ើងដំបូលផ្ទះ សរុបចំនួន៤ខ្នង មានដូចខាងក្រោម៖
១.ផ្ទះឈ្មោះ កៅ ភារុន ភេទប្រុសអាយុ២៧ ឆ្នាំសមាជិកសរុបចំនួន ៥ នាក់ ស្រី១នាក់ នៅភូមិគក់ប៉ែ ដួលរលំផ្ទះទាំងស្រុង ផ្ទះធ្វើពីកូនឈើប្រកស័ង្កសី ជញ្ជាំងស័ង្កសី ផ្ទាល់ដីផ្ទះទំហំ៤មគុណ៦ម៉ែត្រ ខូចខាតសម្ភារះសម្រាប់ប្រើប្រាស់ប្រចាំថ្ងៃ។
២.ផ្ទះឈ្មោះ កែវ សំអ៊ន់ ភេទស្រីអាយុ ៥៥ ឆ្នាំសមាជិកសរុប៦នាក់ស្រី៣នាក់
នៅភូមិគក់ប៉ែ ផ្ទះទំហំ៥គុណ៧ ធ្វើពីកូនឈើប្រក់ស័ង្កសី ជញ្ជាំងស័ង្កសី ផ្ទាល់ដីប៉ើងស័ង្កសីមុខនឹងក្រោយ៥សន្លឹក។
៣.ផ្ទះឈ្មោះ អ៊ុង ចាន់រី ភេទស្រីអាយុ ៦៦ឆ្នាំមេម៉ាយ សមាជិកសរុប៣នាក់ស្រី២នាក់ នៅភូមិគក់ប៉ែ ផ្ទះឈើប្រក់ក្បឿងទំហំ ៦មគុណ៧ម ប៉ើងក្បឿងខ្នងក្រោយ។
៤.ផ្ទះ ឈ្មោះ យិន ដារ៉ារស្មី ភេទប្រុសអាយុ៣៧ឆ្នាំ សមាជិក៥នាក់ ស្រី២នាក់ភូមិចេក ផ្ទះទំហំ ៤ គុណ៦ម ធ្វើពីកូនឈើប្រក់ស័ង្កសី ជញ្ជាំងស័ង្កសី ប៉ើងស័ង្កសីអស់ចំនួន៦សន្លឹក៕
