លោកគ្រូបង្វឹកសញ្ជាតិអុីតាលីAntonio Conte បានបញ្ជាក់ថាខ្សែប្រយុទ្ធអន្តរជាតិអេស្ប៉ាញ Diego Costa នឹងបន្តលេងឲ្យ ក្រុមតោខៀវ Chelsea ទៀតនៅរដូវកាល ថ្មីនេះ ។

ក្រោយពេលមានព័ត៌មានលេចឮថា Costa ចង់ទៅលេងនៅក្លិបចាស់Atletico Madrid វិញនោះ លោក Antonio Conte ចេញមកអះអាងថា “Diego Costa នឹងនៅ លេងជាមួយយើងបន្តទៀត។ គាត់កំពុង តែខិតខំហ្វឹកហាត់យ៉ាងខ្លាំង ហើយគាត់ កំពុងតែរីករាយជាមួយនឹងមិត្តរួមក្រុម ពិសេសរូបខ្ញុំតែម្តង។ ពិសេសជាងនេះទៀតគាត់គឺជាកីឡាករសំខាន់នៅក្នុងក្រុម ហើយក៏ជាកីឡាករល្អបំផុតមួយរូបក្នុងចំណោមកីឡាករល្អលើពិភពលោក”។

គួរបញ្ជាក់ថា ខ្សែប្រយុទ្ធវ័យ២៧ឆ្នាំ Diego Costa ស៊ុតបាល់បាន៣៦គ្រាប់ក្នុងការបង្ហាញខ្លួន ៧៧ ប្រកួតឲ្យក្រុមតោខៀវចាប់តាំងពីផ្លាស់មកកាន់ប្រទេសអង់គ្លេសក្នុងឆ្នាំ២០១៤៕

ដោយ៖ ដេវីត