ភ្នំពេញ៖ នារីម្នាក់បេីករថយន្តមកអែបឈប់ចិញ្ចេីមផ្លូវដេីម្បីនិយាយទូរស័ព្ទស្រាប់តែមានបុរសម្នាក់មកសុំលុយមួយម៉ឺនរៀងតែនាងមិនមានលុយរាយឱ្យទេីបធ្វេីឱ្យបុរសនោះខឹងដាល់កញ្ចក់រថយន្តមួយដៃបែកកញ្ចក់ខ្ទេចត្រូវបានសមត្ថកិច្ចឃាត់ខ្លួន។
ហេតុការណ៍នេះបានកេីតឡេីងកាលពីវេលាម៉ោង៤រសៀល ថ្ងៃទី២០ ខែមេសា ឆ្នាំ២០២៤ នៅចំណុចមុខក្លោងទ្វាវត្តសុភាឃួន តាមបណ្តោយមហាវិថីសហព័ន្ធរុស្សី ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យឈ្មោះរ័ត្ន ភេទប្រុសអាយុ៣៤ឆ្នាំ មុខរបរនិងស្នាក់នៅមិនពិតប្រាកដ។
តាមសម្តីជនរងគ្រោះបានឱ្យដឹងថា មុនពេលកេីតហេតុរូបនាងបានបេីករថយន្តឡិចស៉ីសRX 300 ពណ៌ស ពាក់ស្លាកលេខភ្នំពេញ2BH 0487 ធ្វេីដំណេីរតាមបណ្តោយមហាវិថីសហព័ន្ធរុស្ស៉ី ក្នុងទិសដៅពីលិចទៅកេីតខណៈមកដល់ចំណុចកេីតហេតុក៏អែបខាងឈប់រថយន្តដេីម្បីនិយាយទូរស័ព្ទ ភ្លាមនោះក៏មានបុរសម្នាក់ដេីរមកសុំលុយមួយម៉ឺនរៀលតែនាងមិនមានលុយរាយទេីបមិនឱ្យ។ បន្ទាប់មកជនសង្ស័យខឹងក៏ដាល់កញ្ចក់រថយន្តមួយដៃបណ្តាលឱ្យប្រេះស្រាំរងការខូចខាត ភ្លាមនោះប្រជាពលរដ្ឋក៏ឃាត់ខ្លួនជនសង្ស័យរួចរាយការណ៍ទៅសមត្ថកិច្ចនាំខ្លួនទៅចាត់ការតាមនីតិវិធី៕ដោយ៖សុខាសែនជ័យ
