ខេត្តសៀមរាប៖ ដោយសារគ្រោះធម្មជាតិ ភ្លៀងធ្លាក់ មានផ្ទរ ខ្យល់កន្ត្រាក់ រន្ទះបាញ់បានផ្ដាច់ជីវិតប្រជាពលរដ្ឋម្នាក់ នៅក្នុងស្រុកបន្ទាយស្រី ខេត្តសៀមរាប ។

ហេតុការណ៍បានកើតឡើង នៅវេលាម៉ោង១២ និង៣០នាទីរសៀលថ្ងៃទី១៥ ខែឧសភា ឆ្នាំ២០២៤ នៅចំណុចវាលស្រែ ស្ថិតក្នុងភូមិកកោះជ្រុំ ឃុំខ្នារសណ្ដាយ ស្រុកបន្ទាយស្រី ខេត្តសៀមរាប ។

សមត្ថកិច្ចមូលដ្ឋានបានរាយការណ៍ថា ៖ ជនរងគ្រោះមានឈ្មោះ ណី សែម ភេទ ប្រុស អាយុ ៦៣ឆ្នាំ។
សមត្ថកិច្ចបានបន្តថា ៖ ក្នុងគ្រោពធម្មជាតិនេះ មូលហេតុ ជនរងគ្រោះ កំពុងដើរឃ្វាលគោ តាមវាលស្រែស្រប ពេលមានភ្លៀងធ្លាក់មួយមេ ក៏ត្រូវបានរន្ទះបាញ់ស្លាប់ភ្លាមៗតែម្ដង។
បច្ចុប្បន្នសាកសពសមត្ថកិច្ចប្រគល់ឱ្យគ្រួសារធ្វើបុណ្យតាមប្រពៃណី។

ក្រសួងធនធានទឹក និងឧតុនិយម សូមគោរពជម្រាបជូនអំពីស្ថានភាពធាតុអាកាសនៅព្រះរាជាណាចក្រកម្ពុជាសម្រាប់ថ្ងៃទី១៥ ខែឧសភា ឆ្នាំ២០២៤៖ សម្ពាធទាបគ្របដណ្ដប់មកលើឈូងសមុទ្រថៃ ព្រះរាជាណាចក្រកម្ពុជា ភាគកណ្តាលនៃអាងទន្លេ មេគង្គ និងសមុទ្រចិនខាងត្បូង។
ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី១៥ ដល់ថ្ងៃទី១៧ ខែឧសភា ឆ្នាំ២០២៤៖
១. តំបន់វាលទំនាប ៖
-សីតុណ្ហភាពអប្បបរមា២៤°C និងសីតុណ្ហភាពអតិបរមា៣៥°C។ ខ្យល់បក់មកពីទិសអាគ្នេយ៍ និងទិសនិរតី មានល្បឿនមធ្យម២,៥ ម៉ែត្រ/វិនាទី។ ខេត្តបន្ទាយមានជ័យ សៀមរាប បាត់ដំបង ពោធិ៍សាត់ កំពង់ចាម កំពង់ឆ្នាំង កំពង់ធំ ស្វាយរៀង ព្រៃវែង និងកណ្តាលអាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី១៥%៕

ដោយ ៖ សិលា