នាយករដ្ឋមន្រ្តី Narendra Modi បានបង្ហោះនៅលើប្រព័ន្ធផ្សព្វផ្សាយសង្គម X ថា រដ្ឋាភិបាលកំពុងធ្វើការដើម្បីគាំទ្រដល់អ្នកដែលរងផលប៉ះពាល់ដោយគ្រោះអគ្គិភ័យ។

យោងតាមសារព័ត៌មាន Reuters នៅល្ងាចថ្ងៃទី 25 ឧសភា បានឱ្យដឹងថា អគ្គិភ័យដ៏ធំមួយបានឆាបឆេះនៅមជ្ឈមណ្ឌលកម្សាន្តមួយក្នុងទីក្រុង Rajkot រដ្ឋ Gujarat ភាគខាងលិចប្រទេសឥណ្ឌា ដោយបានសម្លាប់មនុស្សយ៉ាងហោចណាស់ 24 នាក់ រួមទាំងកុមារជាច្រើនផងដែរ។ រូបភាពទូរទស្សន៍បានបង្ហាញពីអណ្តាតភ្លើងដ៏កាចសាហាវ និងផ្សែងហុយចេញពីមជ្ឈមណ្ឌលហ្គេម ជាមួយនឹងកន្លែងនៅខាងក្នុងរចនាសម្ព័ន្ធបានឆេះ។
ជាមួយនឹងកិច្ចខិតខំប្រឹងប្រែងជួយសង្គ្រោះបន្តនៅកន្លែងកើតហេតុក្នុងទីក្រុង Rajkot អភិបាលក្រុង Nayana Pedhadiya បានប្រាប់ Reuters ចំនួនអ្នកស្លាប់ត្រូវបានគេរំពឹងថានឹងកើនឡើង។
លោក Nayana Pedhadiya បាននិយាយថា “ការយកចិត្តទុកដាក់របស់យើងគឺទៅលើប្រតិបត្តិការជួយសង្គ្រោះ។ យើងនឹងចាត់វិធានការយ៉ាងតឹងរ៉ឹងប្រឆាំងនឹងអ្នកដែលទទួលខុសត្រូវចំពោះឧប្បត្តិហេតុនេះ”។
មន្ទីរពេទ្យក្នុងតំបន់បាននិយាយថា សាកសពខ្លះឆេះហួសពីការទទួលស្គាល់។ មូលហេតុនៃការឆេះនេះកំពុងស្ថិតក្រោមការស៊ើបអង្កេត។
នាយករដ្ឋមន្រ្តី Narendra Modi បានបង្ហោះនៅលើប្រព័ន្ធផ្សព្វផ្សាយសង្គម X ថា អាជ្ញាធរកំពុងធ្វើការដើម្បីគាំទ្រដល់អ្នកដែលរងផលប៉ះពាល់។ មន្រ្តីរដ្ឋ Gujarat លោក Bhupendra Patel បាននិយាយថា ការស៊ើបអង្កេតលើអគ្គិភ័យត្រូវបានផ្ទេរទៅឱ្យក្រុមស៊ើបអង្កេតពិសេស (SIT) ហើយទូរទស្សន៍បានផ្សាយថា មនុស្សពីរនាក់ត្រូវបានចាប់ខ្លួនដោយប៉ូលិស Rajkot ពាក់ព័ន្ធនឹងឧប្បត្តិហេតុនេះ៕ ដោយធីរីណា

រូប​ថត​: Reuters