ខេត្តតាកែវ៖ ជនសង្ស័យចំនួន៤នាក់ ត្រូវបានកម្លាំងសមត្ថកិច្ចឃាត់ខ្លួនយកទៅសួរនាំពាក់ព័ន្ធករណីទទួលផលចោរកម្មដលហូតសម្ភារមួយចំនួន។ នេះបេីយោងតាមប្រភពព័ត៍មានពីរបាយការណ៍របស់បញ្ជាការដ្ឋានកងរាជអាវុធហត្ថខេត្តតាកែវ បានឱ្យដឹងនៅរសៀលថ្ងៃទី០៤ ខែមិថុនា ឆ្នាំ២០២៤។
ការឃាត់ខ្លួននេះបានធ្វេីឡេីងកាលពីវេលាម៉ោង៩ និង៣០នាទី ថ្ងៃទី០៣ ខែមិថុនា ឆ្នាំ២០២៤ នៅចំណុចភូមិកន្ទុងព្រិច ឃុំស្លាស្រុកសំរោង ខេត្តតាកែវ។
ប្រភពដដែលបន្តថា ដោយមានបទបញ្ជាពីលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងសម្របសម្រួលនីតិវិធីដោយលោក ឯក ឆេងហួត ព្រះរាជអាជ្ញា អមសាលាដំបូងខេត្តតាកែវ នៅវេលាម៉ោង៩:៣០នាទី ថ្ងៃទី០៣ ខែមិថុនា ឆ្នាំ២០២៤ កម្លាំងមន្ទីរស្រាវជ្រាវ និងបង្ក្រាបបទល្មើសសហការជាមួយ កម្លាំងមូលដ្ឋានកងរាជអាវុធហត្ថស្រុកព្រៃកប្បាស និងកម្លាំងមូលដ្ឋានស្រុកអង្គរបូរី ដឹកនាំដោយលោក វរសេនីយ៍ឯក ង៉ែត ចាន់ធី មេបញ្ជាការរងខេត្ត ចុះឃាត់ខ្លួនជនសង្ស័យបានចំនួន០៤នាក់ និងវត្ថុតាង(ករណីទទួលផលចោរកម្ម) ប្រព្រឹត្តត្រង់ចំនុចភូមិកន្ទុងព្រិច ឃុំស្លាស្រុកសំរោង ខេត្តតាកែវ។
ជនសង្ស័យមានឈ្មោះដូចខាងក្រោម
១.ឈ្មោះឈៀង ឈិត ភេទប្រុសអាយុ៤០ឆ្នាំ មុខរបរមិនពិតប្រាកដ រស់នៅភូមិសាមគ្គី ឃុំ អង្គបុរី ស្រុកអង្គបុរី ខេត្តតាកែវ។
២.ឈ្មោះម៉ៅ ហួត ភេទប្រុស អាយុ៥៣ឆ្នាំ មុខរបរកសិករ រស់នៅភូមិច្រនាងខ្ពស់ ឃុំតាំងយ៉ាប ស្រុកព្រៃកប្បាស ខេត្តតាកែវ។
៣.ឈ្មោះសេក វី ភេទប្រុសអាយុ៥៧ឆ្នាំមុខរបរកសិករ រស់នៅភូមិ/ឃុំ ចំប៉ា ស្រុកព្រៃកប្បាស ខេត្តតាកែវ។
៤.ឈ្មោះ ឃី សំអុល ភេទប្រុសអាយុ៤៥ឆ្នាំ មុខរបរកសិករ រស់នៅត្រពាំងវែង ឃុំរវៀង ស្រុកសំរោង ខេត្តតាកែវ។
វត្ថុតាងចាប់យករួមមាន
១.ម៉ូតូចំនួន០៥គ្រឿង។
២.ទូរស័ព្ទដៃចំនួន០៧គ្រឿង។
បច្ចុប្បន្ន៖ ការិយាល័យជំនាញកំពុងកសាងសំណុំរឿងបញ្ជូន ជនសង្ស័យ និងវត្ថុតាងទៅអយ្យការអមសាលាដំបូងខេត្តតាកែវ៕ដោយ៖សុខាសែនជ័យ
