ឆាប់ៗនេះ សហរដ្ឋអាមេរិកនឹងប្រកាសកញ្ចប់ជំនួយសន្តិសុខថ្មីមួយដែលមានតម្លៃជាង 2.3 ពាន់លានដុល្លារសម្រាប់អ៊ុយក្រែន… នេះជាព័ត៌មានដែលរដ្ឋមន្ត្រីការពារជាតិអាមេរិក Lloyd Austin បានប្រកាសក្នុងជំនួបជាមួយសមភាគីអ៊ុយក្រែននៅមន្ទីរប៉ង់តាហ្គោន។

យោងតាមរដ្ឋមន្ត្រីការពារជាតិអាមេរិក កញ្ចប់ជំនួយរួមមានអាវុធដូចជា អាវុធប្រឆាំងរថក្រោះ និងឧបករណ៍ស្ទាក់ចាប់ការពារដែនអាកាស។ ក្នុងពេលជាមួយគ្នានោះ កញ្ចប់ជំនួយអនុញ្ញាតឱ្យអ៊ុយក្រែនពន្លឿនដំណើរការទិញឧបករណ៍ស្ទាក់ចាប់ប្រព័ន្ធការពារដែនអាកាស NASAMS និង Patriot។
រដ្ឋមន្ត្រីការពារជាតិអ៊ុយក្រែន Rustem Umerov បាននិយាយថា អ៊ុយក្រែនចង់ក្លាយជាសមាជិកនៃអង្គការណាតូ ហើយសង្ឃឹមថា អ៊ុយក្រែននឹងទទួលបានការអញ្ជើញក្នុងពេលឆាប់ៗនេះ។
នៅក្នុងព្រឹត្តិការណ៍មួយផ្សេងទៀត នាយករដ្ឋមន្ត្រីហុងគ្រី លោក Viktor Orban បានអំពាវនាវឱ្យលោក Volodymyr Zelensky ពិចារណាទទួលយកបទឈប់បាញ់មួយ ដើម្បីបញ្ចប់សង្គ្រាមនៅអ៊ុយក្រែនឱ្យបានឆាប់។
«បទឈប់បាញ់បណ្តោះអាសន្ននឹងបង្កើតឱកាសមួយដើម្បីពន្លឿនការចរចាសន្តិភាព។ ខ្ញុំបានពិចារណាពីលទ្ធភាពនេះជាមួយ Zelensky ហើយខ្ញុំពិតជាដឹងគុណចំពោះចម្លើយរបស់គាត់ និងការសន្ទនាដោយស្មោះត្រង់” នាយករដ្ឋមន្ត្រី Orban បាននិយាយនៅក្នុងសន្និសីទសារព័ត៌មានរួមមួយ តែមេដឹកនាំអ៊ុយក្រែនមិនបានឆ្លើយតបទេ។
ទោះបីជាយ៉ាងណាក៏ដោយ ក្រោយមក ទីប្រឹក្សាគោលនយោបាយការបរទេស លោក Ihor Zhovkva បាននិយាយថា នេះមិនមែនជាលើកទីមួយទេ ដែលនរណាម្នាក់ស្នើបទឈប់បាញ់ លោក Zelensky នៅពេលជួបជាមួយនាយករដ្ឋមន្ត្រី Orban បានបញ្ជាក់សារជាថ្មីអំពីជំហរសាធារណៈដ៏យូរអង្វែងរបស់លោកថា៖ «អ៊ុយក្រែនពិតជាចង់បានសន្តិភាពសម្រាប់ខ្លួនឯង។ . ដើម្បីសម្រេចបាននេះ យើងប្រើឧបករណ៍នៃកិច្ចប្រជុំកំពូលសន្តិភាព»៕ ដោយធីរីណា

រូប​ថត​: AFP