ភ្នំពេញ៖ បុរសជនជាតិបរទេសម្នាក់បានពីលេីអគារ thepenthouse មកដល់ជាន់ទាល់ដីបណ្ដាលឲ្យស្លាប់ដោយមិនដឹងមូលហេតុ ។
ហេតុការណ៍នេះដែរបានបង្ករឲ្យមានការភ្ញាក់ផ្អើលនៅវេលាម៉ោង២និង៣០នាទីរំលងអធ្រាត្រឈានចូលថ្ងៃទី១៣ ខែកក្កដា ឆ្នាំ២០២៤ ចំនុចអាគារខ្ពស់យីហោ penthouse residence ដែលស្ថិតតាមបណ្ដោយផ្លូវសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
សពជនរងគ្រោះ មិនទាន់ស្គាល់អត្តសញ្ញាណនៅឡើយទេ គ្រាន់តែដឹងថាជាជនជាតិបទេស ។
បេីតាមប្រភពពីកន្លែងកើតហេតុបានឲ្យដឹងថា មុនពេលកេីតហេតុ គេមិនថាបុរសជនបរទេសមានរឿងអ្វីនោះទេ ក៍ស្រាប់តែធ្លាក់ពីអគារជាន់ទី១៧ មកដល់ដីបណ្ដាលឲ្យបែកក្បាលស្លាប់មួយរំពេចតែម្តង ។
ករណីនេះផងដែរ ភ្លាមៗខាងសន្តិសុខដែរយាមនៅទីនោះ បានរាយការណ៍ជូនកម្លាំងសមត្ថកិច្ចមូលដ្ឋាន ចុះទៅពិនិត្យកន្លែងកើតហេតុ និងបានហហ៊ុំព័ទ្ធខ្សែ មិនឲ្យមានអ្នកចូលទៅបាននោះទេ ។
ពាក់ព័ន្ធករណីនេះផងដែរ សមត្ថកិច្ចមិនទាន់អាចបញ្ជាក់ថា ជនរងគ្រោះលោលោតម្លាប់ខ្លួនឯង ឬពាក់ពន្ធ័ករណីផ្សេងៗនោះទេ ដោយកម្លាំងជំនាញកោសល្យវិច័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញ កំពុងតែធ្វើការពិនិត្យ ៕
ដោយ៖សុខាសែនជ័យ
