ភ្នំពេញ៖ បុរសម្នាក់ជិះម៉ូតូក្នុងល្បឿនលឿនទាំងស្ថានភាពស្រវឹងជ្រុលបុករថយន្តឃ្លុបមួយគ្រឿងខណៈឈប់ទម្លាក់ស្រាបៀរឱ្យម៉ូយ បណ្តាលឱ្យរងរបួសធ្ងន់ត្រូវបានរថយន្តរបស់អង្គភាពកងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង១៤និង៤០រសៀលថ្ងៃទី១៥ ខែកក្កដា ឆ្នាំ២០២៤ នៅតាមផ្លូវបេតុងភូមិភូមិ ព្រៃរងៀង សង្កាត់ ភ្លើងឆេះរទេះ ខណ្ឌ កំបូល ។
ជនរងគ្រោះម្នាក់ឈ្មោះ ឃៀង ងីម ភេទប្រុស អាយុ ៤៤ឆ្នាំ បាត់ស្មារតី មានទីលំនៅភូមិ ឬស្សី ឃុំ តានីស្រុក អង្គរជ័យ ខេត្ត កំពត ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តឃ្លប់ដឹកស្រាបៀរមួយគ្រឿង ពណ៌ស ពាក់ស្លាកលេខភ្នំពេញ2AM 5250 ឈប់ចតនៅចិញ្ចេីមផ្លូវបេតុងក្នុងទិសដៅពីលិចទៅកេីតខណៈកំពុងទម្លាក់ដាក់ស្រាបៀរដាក់ឱ្យម៉ូយភ្លាមនោះស្រាប់តែមានបុរសម្នាក់ជិះម៉ូតូហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1DG 0812 មកពីក្រោយក្នុងល្បឿនលឿនក៏ជ្រុលបុកគូទរថយន្តពេញទំហឹងបណ្តាលឱ្យរងរបួសធ្ងន់ ។
ក្រោយកេីតហេតុជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ ចំណែករថយន្តនិងម៉ូតូត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យដេីម្បីដោះស្រាយពេលក្រោយ៕ដោយ៖សុខាសែនជ័យ
