ខេត្តប៉ៃលិន៖ យោងតាមប្រភពពីមន្ត្ត្រីជំនា
ញនៃអធិការក្រុងប៉ៃលិនកាលពី
ថ្ងៃទី១៨ ខែកក្កដា ឆ្នាំ២០២៤ វេលាម៉ោង១៧ និង០០នាទី កម្លាំងការិយាល័យប្រឆាំងគ្រឿងញៀនបានទទួលជនសង្ស័យចំនួន ០២នាក់ ព្រមទាំងត្ថុតាងម្សៅក្រាមពណ៌សថ្លាចំនួន ០២កញ្ចប់ និង ម៉ូតូចំនួន ០១គ្រឿង មកពីការិយាល័យព្រហ្មទណ្ឌកម្រិតស្រាល ដែលបានធ្វេីការល្បាត និងបង្រ្កាបជាក់ស្តែង កាលពីវេលាម៉ោង ១៥ និង ៣០នាទី នៅចំណុចភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន។
សមត្ថកិច្ចនគរបាលជំនាញក្រុងបានបន្ត
ថា÷ ដើម្បីអនុវត្តនីតិវិធីបន្ត មានលទ្ធផលឃាត់ខ្លួនសង្ស័យទាំង០២នាក់និងវត្តុតាងដូចខាងក្រោម៖
ក-ជនសង្ស័យចំនួន ០២នាក់៖
1-ឈ្មោះ ស្រឿន រតនា ភេទ ប្រុស អាយុ១៨ឆ្នាំ មុខរបរ កម្មករ បច្ចុប្បន្នរស់នៅភូមិខកមូស សង្កាត់ប៉ៃលិន ក្រុងប៉ៃលិន ខេត្តប៉ៃលិន (មានម្សៅក្រាមពណ៌សថ្លាចំនួន ០២កញ្ចប់ និងម៉ូតូចំនួន ០១គ្រឿង)។
2-ឈ្មោះ ខុម សុថុង ភេទ ប្រុស អាយុ១៨ឆ្នាំ មុខរបរ កម្មករ បច្ចុប្បន្នរស់នៅភូមិប៉ាហ៊ីត្បួង សង្កាត់ប៉ៃលិន ក្រុងប៉ៃលិន ខេត្តប៉ៃលិន (តេស្តទឹកនោមវិជ្ជាមាន +)
ខ-វត្ថុតាងជាគ្រឿងញៀនរួមមាន៖
-ម្សៅក្រាមពណ៌សថ្លា(មេតំហ្វេតាមីន ICE) ចំនួន ០២កញ្ចប់ ទម្ងន់ ៦,៥៨ក្រាម ថ្នាំសុទ្ធ-ម៉ូតូចំនួន ០១គ្រឿង៖ម៉ាកឌ្រីមសង់ ពណ៌ក្រហមពាក់ស្លាកលេខ 1C-6864។
សមត្ថកិច្ចជំនាញបានបន្តទៀតថា÷
ក្នុងករណីខាងលេី ការិយាល័យប្រឆាំងគ្រឿងញៀន បានស្នេីសុំគោលការណ៍ពី
ស្នងការខេត្តដេីម្បីធ្វេីការឃាត់ខ្លួនបណ្តោះអាសន្នលេីជនសង្ស័យទាំង០២នាក់ខាងលេីដេីម្បីធ្វេីការសាកសួរ និង អនុវត្តនីតិវិធីបន្ត៕ ដោយ៖ ស សារ៉េត
