ភ្នំពេញ៖ ជនសង្ស័យចំនួន៣នាក់ និងថ្នាំញៀនរួមទាំងសម្ភារមួយចំនួនត្រូវបានកមកម្លាំងនគរបាលជំនាញខណ្ឌពោធិ៍សែនជ័យ ធ្វើការឃាត់ខ្លួនបានជាបន្តបន្ទាប់ ក្នុងករណី២ផ្សេងគ្នា ។

សមត្ថកិច្ចបានឲ្យដឹងថា ក្នុងកិច្ចប្រតិបត្តិការបង្ក្រាបលើកទី១ ប្រព្រឹត្តទៅកាលពីវេលាម៉ោង១និង១៥ នាទីរសៀល ថ្ងៃទី៣០ ខែកក្កដា ឆ្នាំ២០១៦ ស្ថិតនៅបន្ទប់ជួលលេខ៤ ផ្លូវលំ ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។

ជនសង្ស័យទាំង២នាក់មាន ទី១ ឈ្មោះ ហុិន ចិត្រា្ត ភេទប្រុស អាយុ១៧ឆ្នាំ មុខរបរ មិនពិតប្រាកដ ស្នាក់នៅបន្ទប់ជួលជាមួយគ្នា មាបទីលំនៅ សង្កាត់ទឹកល្អក់១ ខណ្ឌទួលគោក និងទី២ ឈ្មោះ ឡេង គ្រីស្នា ហៅចាវ ភេទប្រុស អាយុ១៧ឆ្នាំ មុខរបរ មិនពិតប្រាកដ ស្នាក់នៅបន្ទប់ជួល កន្លែងកើតហេតុ សង្កាត់បឹងកក់១ ខណ្ឌទួលគោក ។

ក្នុងប្រតិបត្តិការចុះបង្ក្រាបដឹកនាំដោយ លោកវរសេនីយ៍ត្រី មន វុធី អធិការរងខណ្ឌពោធិ៍សែនជ័យ ក្រោមបញ្ជារបស់លោក យឹម សារ៉ាន់ អធិការខណ្ឌទប់ស្កាត់ និងបង្ក្រាបរាល់បទល្មើស ក្នុងមូលដ្ឋាន ទើបកម្លាំងជំនាញរបស់អធិការដ្ឋាន រួមជាមួយកម្លាំងប៉ុស្តិ៍រដ្ឋបាល ស្រាវជ្រាវតាមកំណត់មុខសញ្ញាជួញដូរគ្រឿងញៀនខាងលើ ឃាត់ខ្លួនបានជនសង្ស័យ២នាក់ ហើយថ្នាំញៀនដែលជនល្មើសបន្សល់ទុក ២កញ្ចប់ធំតូច ដាវសាមូរ៉ៃ១ដើម ស្ន១ ដែកទីប និងឧបករណ៍សម្រាប់ច្រកគ្រឿងញៀនមួយចំនួនធំ ។

ជនសង្ស័យក្រោយពីឃាត់ខ្លួនយកទៅសាកសួរនៅផ្នែកជំនាញអធិការដ្ឋាននគរបាលខណ្ឌពោធិ៍សែនជ័យ ដើម្បីកសាងសំណុំរឿងចាត់ការទៅតាមនីតិវិធី  ។ លុះហូតមកដល់ពីវេលាម៉ោង២និង៤០នាទីរសៀលថ្ងៃដដែល ត្រង់ចំណុច មុខវត្តទួលសុភាឃួន ភូមិព្រៃទា សង្កាត់ចោមចៅ ឃាត់ខ្លួនបានជនសង្ស័យម្នាក់ និងថ្នាំញៀន១កញ្ចប់  ។

ជនសង្ស័យឃាត់ខ្លួនលើកទី២ មានឈ្មោះ សែន សុភ៍ណ្ឌ ភេទស្រី អាយុ៣០ឆ្នាំ ជាមុខសញ្ញាជួញដូរគ្រឿងញៀន នៅមុខមន្ទីរពេទ្យលោកសង្ឃ ស្នាក់នៅក្រុម១១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ មានស្រុកកំណើត ភូមិឫស្សី សង្កាត់ស្ទឹងមានជ័យ ខណ្ឌមានជ័យ ។ សរុបលទ្ធផល បង្ក្រាបបទល្មើសទាំង២ករណីខាងលើ ដកហូតថ្នាំញៀន ៣កញ្ចប់តូចធំ និងសម្ភារពាក់ព័ន្ធមួយចំនួនទៀត ។

ក្រោយពីការឃាត់ខ្លួនជនសង្ស័យត្រូវបានកម្លាំងនគរបាលយកទៅសួរនាំនៅអធិការដ្ឋានផ្នែកនគរបាលយុត្តិធម៌ដើម្បីកសាងសំណុំរឿងបញ្ជូនទៅតុលាការ៕

ដោយ៖ សុខាសែនជ័យ