បន្ទាប់ពីក្រុមប្រឹក្សាជាតិបោះឆ្នោតរបស់ប្រទេសវេណេហ្ស៊ុយអេឡា បានបញ្ជាក់ថា ប្រធានាធិបតីនីកូឡាស់ ម៉ាឌូរ៉ូ បានជាប់ឆ្នោតជាថ្មីសម្រាប់អាណត្តិទីបី គណបក្សប្រឆាំងមិនទទួលស្គាល់លទ្ធផលនេះទេ ហើយសហគមន៍អន្តរជាតិក៏កំពុងដាក់សម្ពាធយ៉ាងខ្លាំងលើប្រទេសនេះផងដែរ។

ប្រទេសវេណេហ្ស៊ុយអេឡាបានរៀបចំការបោះឆ្នោតប្រធានាធិបតីនៅថ្ងៃទី២៨ ខែកក្កដា។ យោងតាមក្រុមប្រឹក្សាជាតិរៀបចំការបោះឆ្នោតដោយមាន 80% នៃសន្លឹកឆ្នោតត្រូវបានរាប់ ប្រធានាធិបតីដែលកំពុងកាន់អំណាច Nicolas Maduro ទទួលបាន 51.2% នៃសំឡេងឆ្នោត។ គូប្រជែងសំខាន់របស់គាត់គឺ Edmundo Gonzalez ឈ្នះ 44.2% ។ លោក Nicolas Maduro បានឈ្នះឆ្នោត និងជាប់ឆ្នោតជាប្រធានាធិបតីវេណេស៊ុយអេឡាជាថ្មីសម្រាប់អាណត្តិឆ្នាំ 2025-2031 ដែលជាអាណត្តិទី 3 ជាប់ៗគ្នារបស់មេដឹកនាំរូបនេះ។
ទោះជាយ៉ាងណាក៏ដោយ មេដឹកនាំគណបក្សប្រឆាំងបាននិយាយថា ការបោះឆ្នោតសម្រាប់បេក្ខជន Edmundo Gonzalez មាន 73.2% ហើយមិនទទួលស្គាល់លទ្ធផលដែលផ្តល់ដោយក្រុមប្រឹក្សាជាតិបោះឆ្នោតរបស់ប្រទេសវេណេស៊ុយអេឡានោះទេ។ គណបក្សប្រឆាំងក៏បានអំពាវនាវភ្លាមៗឱ្យមានការហែក្បួនតវ៉ាលទ្ធផលបោះឆ្នោតក្នុងតំបន់ជាច្រើន។ ការតវ៉ានិងការប៉ះទង្គិចជាមួយប៉ូលិសបានកើតឡើងនៅកណ្តាលក្រុងការ៉ាកាស។ យុវជនមួយក្រុមបានវាយប្រហារប៉ូលិសនៅខាងក្រៅសណ្ឋាគារ Marriott ដែលជាកន្លែងអ្នកសង្កេតការណ៍អន្តរជាតិដែលឃ្លាំមើលការបោះឆ្នោតប្រធានាធិបតីថ្មីៗនេះកំពុងស្នាក់នៅ។ ប៉ូលិសល្បាតបន្ថែមត្រូវបានបញ្ជូនទៅតំបន់នោះ។
ដូចគ្នាទៅនឹងការបោះឆ្នោតលើកមុនដែរ ប្រទេសមួយចំនួនក្នុងតំបន់បានបញ្ចេញមតិមិនទទួលស្គាល់លទ្ធផលបោះឆ្នោតនៅវេណេហ្ស៊ុយអេឡាថាជាចលនាគាំទ្របក្សប្រឆាំងរបស់ប្រទេស។ សហរដ្ឋអាមេរិកបានចោទប្រកាន់រដ្ឋាភិបាលវេណេស៊ុយអេឡាថាបានរៀបចំលទ្ធផល ប៉ុន្តែមិនបានផ្តល់ភស្តុតាងគួរឱ្យជឿជាក់នោះទេ។ ទន្ទឹមនឹងនេះ វាទុកឱកាសនៃការបង្កើនទណ្ឌកម្ម។ ប៉ាណាម៉ាក៏បានផ្អាកទំនាក់ទំនងការទូតភ្លាមៗជាមួយវេណេហ្ស៊ុយអេឡា រហូតដល់វេណេហ្ស៊ុយអេឡាពិនិត្យលទ្ធផលបោះឆ្នោតប្រធានាធិបតី៕ ដោយធីរីណា

រូបថត​:AFP