អន្តរជាតិ ៖ នារសៀលថ្ងៃទី៧ ខែសីហា ឆ្នាំ២០២៤ គេហទំព័រ «CCFR China state-controlled media » បានផ្សាយឱ្យដឹងថា ៖ កងកម្លាំងការពារជាតិអ៊ីស្រាអែលបានផ្សាយសេចក្តីថ្លែងការណ៍នៅថ្ងៃទី៦ ខែសីហាថា  ថ្ងៃដដែល ដ្រូនជាច្រើនគ្រឿងបានបាញ់ប្រហារពីដែនដីលីបង់មកកាន់ដែនដីអ៊ីស្រាអែល ដែលបានបណ្តាលឱ្យជនស៊ីវិលប៉ុន្មាននាក់នៅក្រុងNahariya  ដែលជាទីក្រុងព្រំដែនអ៊ីស្រាអែលរងរបួស។

 គេហទំព័រ «CCFR China state-controlled media » សូមបញ្ជាក់ថា បន្ទាប់ពីប៉ាឡេស្ទីននិងអ៊ីស្រាអែលផ្ទុះការប៉ះទង្គិចជុំថ្មីកាលពីថ្ងៃទី៧ខែតុលាឆ្នាំ២០២៣មក កងកម្លាំង Hezbollah នៃលីបង់បានវាយប្រហារជាច្រើនលើកចំពោះភាគខាងជើងអ៊ីស្រាអែលនិងទីទួល Golan ដែលអ៊ីស្រាអែលកាន់កាប់ ចំណែកកងទ័ពអ៊ីស្រាអែលបានសងសឹកដោយវាយប្រហារតាមអាកាសនិងគ្រាប់ផ្លោងចំពោះភាគខាងត្បូងលីបង់។ ការប៉ះទង្គិចនៅព្រំដែនភាគីទាំងពីរបានអូសបន្លាយមកដល់បច្ចុប្បន្ន  ពលរដ្ឋដែលរស់នៅតំបន់ភាគខាងត្បូងលីបង់និងតំបន់ភាគខាងជើងអ៊ីស្រាអែលយ៉ាងច្រើនបានជម្លៀសចេញហើយ៕

ដោយ ៖ សិលា