គណៈកម្មាធិការអូឡាំពិកអន្តរជាតិបានប្រកាសថា អត្តពលិកក្រិច Eleni-Klaoudia Polak ត្រូវបានផ្អាកជាបណ្តោះអាសន្នពីការប្រកួតកីឡាអូឡាំពិកទីក្រុងប៉ារីស ឆ្នាំ២០២៤ បន្ទាប់ពីបរាជ័យក្នុងការសាកល្បងរកឃើញសារធាតុញៀន។
កីឡាការិនី Polak វ័យ២៧ឆ្នាំបានប្រកួតក្នុងវគ្គជម្រុះកាលពីថ្ងៃអង្គារដោយឆ្លងកាត់ការប្រកួតវិញ្ញាសាដោលថ្នោលកម្ពស់៤.២០ម៉ែត្រ ប៉ុន្តែធ្វើមិនបានសម្រេចក្នុងចម្ងាយលើសពី៤.៤០ម៉ែត្រ ហើយក្រោយមកមិនបានឈានដល់វគ្គផ្តាច់ព្រ័ត្រកាលពីថ្ងៃពុធ។
ទីភ្នាក់ងារប្រឆាំងសារធាតុញៀនរបស់ប្រទេសក្រិកបានជូនដំណឹងដល់គណៈកម្មាធិការអូឡាំពិកក្រិច (HOC) អំពីការបំពានកាលពីថ្ងៃអង្គារ។ HOC បានប្រកាសកាលពីថ្ងៃអង្គារថាសមាជិកនៃក្រុមរបស់ខ្លួនត្រូវបានបណ្តេញចេញពីភូមិរបស់អត្តពលិកប៉ុន្តែមិនបានបញ្ជាក់អត្តសញ្ញាណទេ។
Polak ដែលបានធ្លាប់ប្រកួតនៅព្រឹត្តិការណ៍អូឡាំពិកទីក្រុងតូក្យូ ឆ្នាំ២០២០ បានបដិសេធចំពោះការធ្វើខុស។ Polak បាននិយាយកាលពីថ្ងៃអង្គារថា “កាលពីប៉ុន្មានថ្ងៃមុនមានអ្វីមួយត្រូវបានរកឃើញនៅក្នុងគំរូរបស់ខ្ញុំ។ ខ្ញុំមិនដែលទទួលទានអាហារបំប៉ន ឬប្រូតេអ៊ីនទេ វាទាបជាងកម្រិតដែលហាមប្រាម ដូច្នេះហើយទើបខ្ញុំប្រកួតប្រជែង ខ្ញុំមានបញ្ហាជាមួយជាតិដែក ហើយត្រូវញ៉ាំសាច់ក្រហមជារៀងរាល់ថ្ងៃ ហើយត្រូវតែមាននៅក្នុងសាច់ ដែលសាច់នោះមានផ្ទុកសារធាតុនេះ”។
អត្តពលិកអ៊ីរ៉ាក់ judoka Sajjad Sehen, អត្តពលិកអាហ្វហ្គានីស្ថាន Mohammad Samim Faizad និងជើងឯកប្រដាល់ប្រចាំទ្វីបអាហ្រ្វិក Cynthia Ogunsemilore មកពីនីហ្សេរីយ៉ាក៏បានធ្វើតេស្តវិជ្ជមានចំពោះសារធាតុហាមឃាត់នៅទីក្រុងប៉ារីសផងដែរ ៕ (រូបភាព ៖ BBC Sport)
