កីឡាករ Dani Olmo រកបានគ្រាប់បាល់ឈ្នះដំបូងត្រឹមតែប៉ុន្មានថ្ងៃប៉ុណ្ណោះបន្ទាប់ពីត្រូវបានចុះហត្ថលេខាចូលរួមជាមួយក្រុម Barcelona ខណៈដែលក្រុមរបស់លោក Hansi Flick រកបានជ័យជម្នះ៣ប្រកួតជាប់គ្នាដើម្បីរក្សាការចាប់ផ្តើមឈ្នះរបស់ពួកគេនៅ La Liga នៅដើមរដូវកាលនេះ។

Olmo បានចូលរួមជាមួយ Barcelona ពី RB Leipzig ក្នុងតម្លៃ៦០លានអឺរ៉ូកាលពីដើមខែនេះ ប៉ុន្តែមិនអាចលេងបានដោយសារតែច្បាប់ហិរញ្ញវត្ថុដ៏តឹងរឹងរបស់ក្លិបកំពូលរបស់អេស្ប៉ាញ។

បន្ទាប់ពី Ilkay Gundogan ត្រូវបានផ្ទេរទៅ Manchester City ហើយខ្សែការពារ Clement Lenglet បានផ្លាស់ទៅ Atletico Madrid កីឡាករវ័យ២៦ឆ្នាំរូបនេះអាចបង្ហាញខ្លួននៅ Rayo Vallecano។

កីឡាករ Olmo បានរកគ្រាប់បាល់នៅចុងម៉ោង ដោយការស៊ុតកោងផុតដៃអ្នកចាំទីក្រុមម្ចាស់ផ្ទះ Vallecano ពីការបញ្ជូនរបស់កីឡាករវ័យក្មេង Lamine Yamal ក្រោយពីក្រុមម្ចាស់រកគ្រាប់បាល់នាំមុខនៅនាទីទី៩ ហើយកីឡាករ Pedri រកបានគ្រាប់បាល់តាមស្មើនៅនាទីទី៦០ និងគ្រាប់បាលចុងម៉ោងនាទីទី៨២របស់ Olmo ។

Olmo ដែលនៅ Barcelona កាលនៅក្មេង ប៉ុន្តែបានចាកចេញទៅ Dinamo Zagreb នៅអាយុ១៦ឆ្នាំដោយមិនបានបង្ហាញខ្លួន បន្ទាប់មកបានលួចយកពិន្ទុ និងចំណងជើងជាមួយនឹងការបញ្ចប់ដ៏អស្ចារ្យរបស់គាត់។

បច្ចុប្បន្ន Barcelona ឈរនៅកំពូលតារាង La Liga បន្ទាប់ពីលេងបាន៣ប្រកួត ហើយជាក្រុមតែមួយគត់ដែលមានកំណត់ត្រាឈ្នះ១០០%។ Barcelona នឹងត្រូវធ្វើជាម្ចាស់ផ្ទះទទួលស្វាគមន៍ក្រុមភ្ញៀវ Real Valladolid នៅថ្ងៃសៅរ៍ចុងសប្តាហ៍នេះសម្រាប់ការប្រកួតសប្តាហ៍ទី៤នៅ La Liga៕ (រូបភាព ៖ BBC Sport)