ក្រោមការដឹកនាំរបស់លោក Arne Slot បានដឹកនាំក្រុមហង្សក្រហមឆ្លងកាត់ការប្រកួតដ៏សំខាន់ជាលើកដំបូងរបស់គាត់ក្នុងនាមជាអ្នកចាត់ការ Liverpool ជាមួយនឹងជ័យជម្នះយ៉ាងត្រចះត្រចង់ក្នុងលទ្ធផល ៣-០ នៅទឹកដីក្រុមបិសាចក្រហម Manchester United ដោយសារការស៊ុតបញ្ចូលទី២គ្រាប់របស់ Luis Diaz និង១គ្រាប់របស់ Mohamed Salah កាលពីរាត្រីថ្ងៃអាទិត្យ ទី១ ខែកញ្ញា។

លោក Slot មានភារកិច្ចដែលមិនអាចកាត់ថ្លៃបានក្នុងការស្នងតំណែងលោក Jurgen Klopp ប៉ុន្តែបានចាប់ផ្តើមដឹកនាំក្រុមយ៉ាងល្អឥតខ្ចោះជាមួយនឹងកំណត់ត្រាឈ្នអ១០០ភាគរយពីការប្រកួត Premier League ចំនួន៣ប្រកួតដើមរដូវកាលនេះដើម្បីឈរជាមួយនឹងក្រុម Manchester City នៅលើកំពូលតារាងដែលមានពិន្ទុស្មើគ្នា។

ការបរាជ័យជាលើកទី២ជាប់ៗគ្នាបានធ្វើឱ្យគ្រូបង្វឹករបស់ក្រុម Manchester United លោក Erik ten Hag ស្ថិតនៅក្រោមសម្ពាធរួចទៅហើយ ដោយត្រឹមតែ៣ប្រកួតប៉ុណ្ណោះក្នុងរដូវកាលថ្មីនេះក្រុមលោកចាញ់២ប្រកួតហើយ។

បុរសសញ្ជាតិហូឡង់រូបនេះបានរួចផុតពីការត្រួតពិនិត្យផ្ទៃក្នុងមួយនៅចុងបញ្ចប់នៃរដូវកាលមុន បន្ទាប់ពីបានមើលការខុសត្រូវរបស់ក្លិបក្នុងក្របខ័ណ្ឌ Premier League ដែលអាក្រក់បំផុតមិនធ្លាប់មានក្នុងចំណាត់ថ្នាក់ទី៨ ។

ការឈ្នះពានរង្វាន់ FA Cup វគ្គផ្តាច់ព្រ័ត្រលើក្រុម Manchester City បានជួយសង្គ្រោះការងាររបស់លោក Ten Hag និងផ្តល់ក្តីសង្ឃឹមសម្រាប់ការចាប់ផ្តើមថ្មី ជាពិសេសបន្ទាប់ពីត្រូវបានគាំទ្រជាមួយនឹងការចំណាយ ២០០លានផោន (២៦២លានដុល្លារអាមេរិក) នៅក្នុងទីផ្សារដោះដូរកីឡាកររដូវកាលនេះ ប៉ុន្តែរាល់ចំណុចសំខាន់ៗនៃការបរាជ័យរបស់ United កាលពីរដូវកាលមុនត្រូវបានលាតត្រដាងដោយអ្នកទស្សនាដ៏គួរឱ្យចាប់អារម្មណ៍។

ខ្សែបម្រើការពារ Casemiro គឺជាកីឡាករដែលមានកំហុសច្រើនរបស់ក្រុមម្ចាស់ផ្ទះ ខណៈដែលកីឡាករប្រេស៊ីលរូបនេះមានកំហុសក្នុងការបើកឱកាសឲ្យមានការស៊ុតបញ្ចូលទីរបស់ Diaz ២គ្រាប់នៅតង់ទី១។

United បាននាំយកកីឡាករចំណូលថ្មី Manuel Ugarte ក្នុងតម្លៃខ្លួន៤២លានផោន មុនពេលចាប់ផ្តើមប្រកួត ហើយឥឡូវនេះត្រូវតែសង្ឃឹមថា កីឡាករសញ្ជាតិអ៊ុយរ៉ាហ្គាយរូបនេះអាចមានការផ្លាស់ប្តូរដើម្បីផ្លាស់ប្តូរក្នុងតួនាទីខ្សែបម្រើ។ ផ្ទុយទៅវិញ Liverpool មិនបានស្វែងយល់ពីទីផ្សារសម្រាប់ខ្សែបម្រើការពារទេ ហើយការសម្រេចចិត្តរបស់លោក Slot ក្នុងការផ្លាស់ Ryan Gravenberch ទៅក្នុងតួនាទីនោះបានបង្ហាញពីការសម្រេចចិត្តដំបូងដែលបំផុសគំនិត។

ទោះបីជា Liverpool យកឈ្នះ Man United ក្នុងរជ្ជកាលរបស់លោក Klopp ក៏ដោយ ក៏គ្រូបង្វឹកអាឡឺម៉ង់រូបនេះអាចឈ្នះបានតែ២ប្រកួតគត់ក្នុងចំណោមការប្រកួតក្រៅដី១១លើករបស់គាត់ទល់នឹង United ។ ក្រុមហង្សក្រហមបានបរាជ័យពីរដងក្នុងការធ្វើឱ្យមានភាពលេចធ្លោបំផុតរបស់ពួកគេនៅ Old Trafford កាលពីរដូវកាលមុន ខណៈដែល United បានយកឈ្នះ FA Cup វគ្គ១/៤ផ្តាច់ព្រ័ត្រក្នុងលទ្ធផល ៤-៣ ហើយបន្ទាប់មកបានដណ្តើមបានលទ្ធផលស្មើ ២-២ នៅក្នុងលីកដែលបានបញ្ចប់នូវឱកាសឈ្នះពានរបស់ Liverpool យ៉ាងពិតប្រាកដ។

លើកនេះ Liverpool បានកសាងសមត្ថភាពឡើងវិញ ហើយអាចធ្វើបានម្តងទៀត ដោយកាលពីរកបានកំណត់ត្រាជ័យជម្នះ ៥-០ ក្រៅដីឱ្យ Man Utd យ៉ាងងាយស្រួលក្នុងឆ្នាំ២០២១។

ក្នុងការប្រកួតនោះ Casemiro មើលទៅហាក់ដូចជាធ្វើមិនបានល្អក្នុងយុទ្ធនាការដើមរដូវកាលនេះ បន្ទាប់ពីជួបការលំបាកយ៉ាងខ្លាំងកាលពីរដូវកាលមុន។ ការបញ្ជូនបាល់របស់ Casemiro ត្រូវបាន Gravenberch ដណ្តើមបានហើយត្រូវ Salah បញ្ជូនបាល់ឲ្យ Diaz ស៊ុតបញ្ចូលទីទាំង២គ្រាប់នៅនាទីទី៣៥ និងនាទីទី៤២។

គ្រាប់បាល់ទី៣របស់ Liverpool រកបានដោយ Salah នៅនាទីទី៥៦ ក្នុងតង់ទី២ ដើម្បីជួយក្រុមភ្ញៀវកាន់តែមានទំនុកចិត្តក្នុងការឈ្នះការប្រកួតនេះ។ ការបញ្ចប់ទីដ៏អស្ចារ្យរបស់កីឡាករអេហ្ស៊ីបរូបនេះគឺការបញ្ជូនបាល់របស់ Dominik Szoboszlai ដែលជាគ្រាប់បាល់ទី១៥របស់គាត់ក្នុងការជួបគ្នា១៦លើកទល់នឹងក្រុមបិសាចក្រហមក្នុងការបង្ហាញខ្លួន៧ដងចុងក្រោយរបស់គាត់នៅ Old Trafford ។

លទ្ធផលនេះ ធ្វើឲ្យក្រុមហង្សក្រហម Liverpool ឈរចំណាត់ថ្នាក់លេខ២ ស្មើពិន្ទុជាមួយនឹង Man City ដែលមាន៩ពិន្ទុដូចគ្នាក្នុង៣ប្រកួតឈ្នះទាំង៣ ខណៈ Brighton និង Arsenal បន្តឈរលេខរៀងគ្នាទី៣ និទី៤ ក្រោយប្រកួតស្មើគ្នាកាលពីថ្ងៃសៅរ៍។ ចំណែកក្រុមបិសាចក្រហម Manchester United បានធ្លាក់មកឈរចំណាត់ថ្នាក់លេខ១៤ ក្រោយ៣ប្រកួតឈ្នះ១ និងចាញ់២ មានតែ៣ពិន្ទុប៉ុណ្ណោះ ៕ (រូបភាព ៖ Reuters/BBC)