ក្លិប Napoli នៅក្នុងក្របខ័ណ្ឌអុីតាលី Serie Aបានឈានដល់កិច្ចព្រមព្រៀងទិញខ្សែប្រយុទ្ធអន្តរជាតិប៉ូឡូញArkadiusz Milik ពីក្រុមខ្លាំងរបស់ប្រទេសហុល្លង់Ajax ក្នុងតម្លៃខ្លួន៣២លានអឺរ៉ូ។

Arkadiusz Milikក្លាយទៅជាកីឡាករ ទី៣ដែល Napoli បានទិញសម្រាប់រដូវ កាលថ្មីបន្ទាប់ពីកីឡាករ Lorenzo Tonelli និងEmanuele Giaccherini ហើយរូបគាត់ ក៏ជាខ្សែប្រយុទ្ធដែលនឹងត្រូវមកជំនួស តំណែងកីឡាករអន្តរជាតិអាហ្សង់ទីន Gonzalo Higuain ដែលបានផ្លាស់ទៅកាន់ក្រុមសេះបង្កង់ Juventus ផងដែរ ។

កីឡាករ Arkadiusz Milik ធ្លាប់ឆ្លង កាត់សាលាបាល់ទាត់ Rozwoj Katowice ហើយធ្លាប់លេងឲ្យក្រុម Gornik Zabrze, Bayer Leverkusen និងAugsburg មុនពេល ផ្លាស់មកកាន់ក្រុម Ajax ក្នុងឆ្នាំ២០១៤ ។

ខ្សែប្រយុទ្ធវ័យ២២ឆ្នាំរូបនេះបានស៊ុតបាល់បញ្ចូលទី៣២គ្រាប់ក្នុងការបង្ហាញខ្លួន ៥២ប្រកួតនៅក្នុងក្របខ័ណ្ឌកំពូលរបស់ ប្រទេសហុល្លង់ ៕

ដោយ៖ ដេវីត