ភ្នំពេញ៖ លោកតាវ័យប្រហែល៧០ឆ្នាំម្នាក់ ដែលជាជនអនាថា ត្រូវបានគេប្រទះឃើញដេកស្លាប់នៅក្នុងបរិវេនវត្តអង្គតាមិញ បង្កឲ្យមានការភ្ញាក់ផ្អើលកាលពីវេលាម៉ោង៣និង១៥នាទីរសៀល ថ្ងៃទី០៤ ខែសីហា ឆ្នាំ២០១៦ ស្ថិតក្នុងភូមិគោកចំបក់ សង្កាត់ចោមចៅ  ខណ្ឌពោធិ៍សែនជ័យ។

តាមសាក្សីពីប្រជាពលរដ្ឋដែលនៅក្បែរបានឲ្យដឹងថា ប៉ុន្មានថ្ងៃមុនគេបានឃើញលោកតាខាងលើបានដើរចុះឡើងៗនិងអង្គុយនៅក្នុងបរិវេនវត្តអង្គតាមិញ ដោយមិនដឹងមកពីណាទៅណានោះទេ លុះរហូតមកដល់វេលាម៉ោងកើតហេតុខាងលើស្រាប់តែប្រទះឃើញដេកស្លាប់នៅក្នុងវត្តជិតស្រះទឹក ទើបបង្កការភ្ញាក់ផ្អើលដល់លោកអាចារ្យរាយការណ៍ទៅសមត្ថកិច្ចហៅជំនាញមកពិត្យជាក់ស្តែក។

តាមការធ្វើកោសល្យវិច័យពីសមត្ថកិច្ចជំនាញបានឲ្យដឹងថា សពជនរងគ្រោះខាងលើស្លាប់ដោយសារខ្យល់.គរ រួចប្រគល់ឲ្យលោកអាចារ្យវត្តយកទៅបូជាតាមប្រពៃណីតែម្តង៕

ដោយ៖ សុខាសែនជ័យ