ខ្សែប្រយុទ្ធ Cristiano Ronaldo បានក្លាយជាកីឡាករដំបូងគេដែលស៊ុតបញ្ចូលទីបាន៩០០គ្រាប់ក្នុងអាជីពបាល់ទាត់ ខណៈដែលព័រទុយហ្គាល់ចាប់ផ្តើមយុទ្ធនាការប្រកួតពានរង្វាន់ Nations League របស់ពួកគេជាមួយនឹងជ័យជម្នះលើក្រូអាតកាលពីរំលងអធ្រាត្រឈានចូលថ្ងៃទី៦ ខែកញ្ញា ២០២៤។

កីឡាករវ័យ៣៩ឆ្នាំរូបនេះបានស៊ុតបាល់បញ្ចូលទីគ្រាប់ទី២ពីលើដំបូលទូកនៅនាទីទី៣៤ដើម្បីបង្កើនការនាំមុខរបស់ព័រទុយហ្គាល់២គ្រាប់ពីការបញ្ជូនបាល់របស់កីឡាករ Nuno Mendes។ គឺជាគ្រាប់បាល់ទី១៣១ បន្ថែមកំណត់ត្រាសម្រាប់ព័រទុយហ្គាល់ ក្នុងរយៈពេល២០ឆ្នាំបន្ទាប់ពីការស៊ុតដំបូងរបស់គាត់ ហើយកីឡាករជើងចាស់រូបនេះបានលុតជង្គង់របស់គាត់ក្នុងការអបអរសាទរដ៏រំជួលចិត្តមួយ។

ខ្សែការពារ Diogo Dalot របស់ក្រុម Manchester United បានជួយឲ្យព័រទុយហ្គាល់នាំមុខមុននៅនាទីទី៧ ប៉ុន្តែក្រោយមកកីឡាកររូបនេះបានភ្លាត់ធ្វើឲ្យបាល់ចូលសំណាញ់ទីខ្លួនឯង១គ្រាប់ដែរនៅនាទីទី៤១។

ក៏ដូចជាព័រទុយហ្គាល់ផងដែរ គ្រាប់បាល់របស់ Ronaldo បានស៊ុតបាល់បញ្ចូលទីសម្រាប់ក្លិប Sporting Lisbon, Manchester United, Real Madrid, Juventus និងថ្មីៗនេះ Al-Nassr នៅអារ៉ាប៊ីសាអ៊ូឌីតផងដែរ។

ព័រទុយហ្គាល់មានពិន្ទុឈរនៅលើកំពូលតារាងនៃ Group 1 ក្នុងក្របខ័ណ្ឌ League A បន្ទាប់ពីការប្រកួតមួយគូទៀតគឺប៉ូឡូញបានយកឈ្នះស្កុតឡេន ៣ទល់២ កាលពីរំលងអធ្រាត្រឈានចូលថ្ងៃទី៦ ខែកញ្ញា ២០២៤ដែរ ៕ (រូបភាព ៖ BBC Sport)