ភ្នំពេញ៖ រថយន្ដស៊េរីទំនើប ម៉ាក Alphard បេីកបរដោយបុរសម្នាក់ បានបត់ឆ្លងផ្លូវត្រឡប់ក្រោយមិនប្រយ័ត្នត្រូវរថយន្ដម៉ាក Ford Ranger បេីកមកពីក្រោយចាប់ហ្វ្រាំងមិនជាប់បុកចំពីចំហៀងខាងឆ្វេងពេញទំហឹងបណ្ដាលឲ្យ រងការខូចខាតទ្វាររថយន្ដយ៉ាងដំណំ និងរងរបួសធ្ងន់ស្រាល២នាក់ បង្កការភ្ញាក់ផ្អើលកាលពីវេលាម៉ោង៣ និង៤០នាទីរសៀល នៅថ្ងៃទី១៣ ខែកញ្ញា ឆ្នាំ២០២៤ ស្ថិតតាមបណ្ដោយផ្លូវសហព័ន្ធរុស្សី ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។

    តាមប្រភពព័ត៌មានពីកន្លែងកើតហេតុបានប្រាប់អោយដឹងថាមុនពេលកើតហេតុ មានរថយន្ដស៊េរីទំនើប Alphard មួយគ្រឿង ពណ៌ខ្មៅ ពាក់ផ្លាកលេខភ្នំពេញ2CC.0299 បើកបរដោយបុរសម្នាក់បានធ្វើដំណើរតាមបណ្ដោយផ្លូវសហព័ន្ធរុស្សី ក្នុងទិសដៅពីកើតមកលិច។ លុះធ្វើដំណើរដល់ចំនុចកើតហេតុក៏បានបត់ឆ្លងផ្លូវត្រឡប់ក្រោយ ខណះក៏មានរថយន្ដ ford ranger មួយគ្រឿង ពណ៌ស ពាក់ផ្លាកលេខភ្នំពេញ2BQ.1088 ធ្វើដំណើរពីក្រោយស្របទិស គ្នាតាមបណ្ដោយផ្លូវសហព័ន្ធរុស្សី ដោយនៅក្នុងរថយន្ដមានមនុស្ស៥នាក់មានចាស់មានក្មេង ស្របពេលដែលរថយន្ដ Alphard បត់ឆ្លងផ្លូវ ក៏ត្រូវរថយន្ដ ford ranger បើកបុកចំពីចចំហៀងពេញទំហឹងរងការខូចខាតទ្វាររថយន្ដយ៉ាងដំណំ ។ ចំណែរថយន្ដ ford ranger រងការខូចខាតផ្នែកពីមុខរថយន្ដនិងបែកកព្ចាក់ក្រោយ បណ្ដាលឲ្យភាគីខាងរថយន្ដ ford ranger រងរបួសបុរសវ័យចំណាស់ម្នាក់ និងក្មេងប្រុសម្នាក់រងរបួសស្រាល ។ ភ្លាមៗសមត្ថកិច្ចមូលដ្ឋានបានទំនាក់ទំនងទៅរថយន្ដសង្គ្រោះរបស់មន្ទីពេទ្យបង្អែករាជធានីភ្នំពេញ១១៩ ដឹកទៅមន្ទីពេទ្យកាល់ម៉ែត ផងដែរ ។ 

    ក្រោយកើតហេតុ សមត្ថកិច្ចមូលដ្ឋានបានចុះមកដល់ចំនុចកើតហេតុ និងបានភាគីទាំង២ដោះស្រាយគ្នាមួយជំហាន ដោយភាគីទាំងពីរមិនអាចដោះស្រាយគ្នាបាន ក៏ទំនាក់ទំនាក់ទៅសមត្ថកិច្ចជំនាញចរាចរណ៍ ធ្វើការវាសវែងយករថយន្ដទាំង២គ្រឿងទៅរក្សារទុកនៅស្នងការដ្ឋាននគរបាលរាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕ដោយ ៖ ភារ៉ា ដង្កោ