យោងតាមស្ថានទូតរុស្ស៊ីប្រចាំនៅកូរ៉េខាងជើងបានបញ្ជាក់ថា រដ្ឋមន្ត្រីការបរទេសកូរ៉េខាងជើង លោកស្រី Choe Son Hui ទើបតែបានធ្វើដំណើរទៅកាន់ប្រទេសរុស្ស៊ីដើម្បីចូលរួមវេទិកាស្ត្រី អាស៊ី អឺរ៉ុប លើកទី៤ និងវេទិកាស្ត្រី BRICS នៅទីក្រុង Saint Petersburg ។

ស្ថានទូតរុស្ស៊ីបាននិយាយនៅក្នុងសេចក្តីជូនដំណឹងមួយដែលបានបង្ហោះនៅលើបណ្តាញសង្គម Vkontakte ថា “ឯកអគ្គរដ្ឋទូតរុស្ស៊ី (Alexander Ivanovich) Matsegora បានឃើញរដ្ឋមន្ត្រីការបរទេសកូរ៉េខាងជើង Choe Son Hui នៅអាកាសយានដ្ឋានអន្តរជាតិ Pyongyang” ។
សេចក្តីប្រកាសបាននិយាយថា រដ្ឋមន្ត្រីការបរទេស Choi នឹងចូលរួម ថ្លែងសុន្ទរកថានៅក្នុងវេទិកានានា ដែលប្រព្រឹត្តទៅចាប់ពីថ្ងៃទី 18-20 ខែកញ្ញា។
លោកស្រី Valentina Matviyenko – ប្រធានក្រុមប្រឹក្សាសហព័ន្ធរុស្ស៊ី (ព្រឹទ្ធសភារុស្ស៊ី) បាននិយាយពីមុនថា គណៈប្រតិភូមកពីប្រទេសជិត 100 ត្រូវបានគេរំពឹងថានឹងចូលរួមវេទិកានេះ។ លោកស្រី Matviyenko បាននិយាយកាលពីខែមិថុនាថា “យើងនឹងខិតខំធានាឱ្យបាននូវចំនួនកំណត់ត្រានៃគណៈប្រតិភូបរទេសចូលរួមវេទិកានេះ” ។
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានចូលរួមវេទិកានានាកាលពីឆ្នាំមុន ប៉ុន្តែវិមានក្រឹមឡាំងមិនទាន់បាននិយាយថា តើលោកនឹងចូលរួមវេទិកានៅឆ្នាំនេះឬក៏អត់នោះទេ។
ទំនាក់ទំនងរវាងរុស្សីនឹងកូរ៉េខាងជើង ក្នុងរយៈពេលមួយឆ្នាំកន្លងមកនេះ ត្រូវបានចាត់ទុកថា មានការរីកចម្រើនដល់កម្រិតថ្មី ចាប់តាំងពីប្រធានាធិបតី ពូទីន និងមេដឹកនាំកូរ៉េខាងជើង លោក គីម ជុងអ៊ុន បានចុះហត្ថលេខាលើកិច្ចព្រមព្រៀងស្តីពីការការពារគ្នាទៅវិញទៅមក ក្នុងឱកាសនៃដំណើរទស្សនកិច្ចរបស់មេដឹកនាំរុស្ស៊ីនៅក្នុងទីក្រុងព្យុងយ៉ាង៕ ដោយធីរីណា

រូបថត​: Sputnik