ភ្នំពេញ ៖ គ្រោះអគ្គិភ័យមួយបានឆាបឆេះផ្ទះល្វែងរបស់ប្រជាពលរដ្ឋនៅចំណុចបុរីពិភពថ្មីចំការដូង គម្រោងទី៣ ផ្ទះលេខ៦២ ផ្លូវលេខ៤ ស្ថិតក្នុងភូមិប្រការ សង្កាត់ព្រៃស ខណ្ឌដង្កោ បង្កការភ្ញាក់ផ្អេីលដល់ប្រជាពលរដ្ឋ និងសមត្ថកិច្ចមូលដ្ឋានចុះអន្តរាគមន៍នៅវេលាម៉ោង១០:៥០នាទី ថ្ងៃទី២៥ ខែកញ្ញា ឆ្នាំ២០២៤ ។

សមត្ថកិច្ចបានឱ្យដឹងថា ម្ចាស់ផ្ទះមានឈ្មោះ អៅ ហាំងលាប ភេទប្រុស អាយុ៤០ឆ្នាំ មុខរបរអាជីវករ មានទីលំនៅទីតាំងកេីតហេតុខាងលេី ។
តាមសម្ដីម្ចាស់ផ្ទះរងគ្រោះបានឱ្យដឹងថា មុនកេីតហេតុ រូបគាត់បានរៀបចំចង្ហាន់ទៅវត្ត និងបានអុជធូបនៅលេីផ្ទះបួងសួងសុំសេចក្តីសុខផងដែរ ប៉ុន្តែគាត់មិនចាំឲ្យរលត់នោះទេគឺគាត់ចាក់សោផ្ទះចេញដំណេីរទៅវត្តតែម្ដង ។
បេីតាមប្រភពពីប្រជាពលរដ្ឋបានឲ្យដឹងដែរថា មុនកេីតហេតុគេឃេីញមានផ្សែងហុយចេញពីក្នុងផ្ទះកេីតហេតុខាងលេីជាខ្លាំង ទេីបអ្នកជិតខាងនាំគ្នាជួយគាស់ទ្វារ និងតទុយយោបាញ់ទឹកពន្លត់ តែឃេីញស្ថានភាពមិនស្រួលក៏ទាក់ទងទៅសមត្ថកិច្ចមូលដ្ឋានឱ្យចេញរថយន្តពន្លត់អគ្គិភ័យមកជួយអន្តរាគមន៍បាញ់ទឹកពន្លត់ រហូតកម្លាំងជំនាញរបស់ការិយាល័យបង្ការ និងសង្គ្រោះអគ្គិភ័យបានចុះមកដល់ បានធ្វេីការបាញ់ទឹកពន្លត់ ដោយប្រេីប្រាស់រថយន្តពន្លត់អគ្គិភ័យសរុប០៥គ្រឿងក៏រលត់ទៅវិញជាស្ថាពរ នៅម៉ោង១២:៤០នាទី ថ្ងៃខែឆ្នាំដដែល ។
សមត្ថកិច្ចបានបញ្ចាក់ថា មូលហេតុនៃការឆាបឆេះនេះគឺ (បណ្ដាលមកពីឆ្លងចរន្តអគ្គិសនី) ហើយប្រភេទសំណង់: ផ្ទះល្វែង ទំហំ១៦x២០ម និងបានខូចខាត គ្រឿងបន្លាស់កង្ហា និងគ្រឿងជ័រមួយចំនួនធំ គិតជាទឹកប្រាក់ជិត២០មុឺនដុល្លារ តែមិនបង្កគ្រោះថ្នាក់ដល់មនុស្សឡេីយ ៕

ដោយ៖ ភារ៉ាដង្កោ