ខេត្តស្រះកែវ៖ ជនសង្ស័យជនជាតិខ្មែរ ២នាក់ចូលក្នុងដីថៃដោយខុសច្បាប់ហើយលួចម៉ូតូនៅផ្សាររោងក្លឿ ខេត្តស្រះកែវឈមក្រុងប៉ោយប៉ែត យកទៅលក់នៅកម្ពុជា កាលពីថ្ងៃទី៥ ខែតុលា ឆ្នាំ២០២៤ ត្រូវបានទាហានថៃតាមប្រមាញ់និង ឃាត់ខ្លួនដើម្បីអនុវត្តច្បាប់។
យោងតាមរបាយការណ៍របស់សមត្ថកិច្ចថៃៈជនសង្ស័យជាប់ចោទទាំង២នាក់ ក្នុងករណីលួចម៉ូតូនៅម្តុំផ្សាររោងក្លឿ ដែលជាផ្សារពាណិជ្ជកម្មព្រំដែនកម្ពុជា-ថៃ ក្នុងស្រុកអារញ្ញ ខេត្តស្រះកែវ យ៉ាងតិច៥គ្រឿងក្នុងរយៈពេលដូចគ្នា មុននឹងដឹកជញ្ជូនឆ្លងដែនខុសច្បាប់មកលក់នៅកម្ពុជា។ ជនជាប់ចោទលើកនេះរួមមាន៖
១.ឈ្មោះ ឌី ភេទប្រុស អាយុ៣៧ឆ្នាំ ជនជាតិខ្មែរ មានទីលំនៅភូមិប៉ោយប៉ែត ស្រុកអូរជ្រៅ ខេត្តបន្ទាយមានជ័យ
២. ឈ្មោះ ជួន ឡេង អាយុ២៧ឆ្នាំ ជនជាតិខ្មែរ មានទីលំនៅភូមិប៉ោយប៉ែត ស្រុកអូរជ្រៅ ខេត្តបន្ទាយមានជ័យ អ្នកបើកបរម៉ូតូ១គ្រឿង ម៉ាក HONDA ម៉ូដែល CLICK ពណ៌ស ពាក់ស្លាកលេខ 1kg 4204 ស្រះកែវ ត្រូវបានសមត្ថកិច្ចឃាត់ខ្លួន និងចោទប្រកាន់ពីបទ៖ ប្រព្រឹត្តបទឧក្រិដ្ឋ ហើយបាននាំខ្លួនជនល្មើសទាំង២នាក់ រួមនឹងវត្ថុតាងដែលរឹបអូសបាន បញ្ជូនមកកាន់ផ្នែកជំនាញនៃអធិការដ្ឋាននគរបាល ដើម្បីផ្តន្ទាទោសតាមច្បាប់ ។
ជនសង្ស័យជនជាតិខ្មែរទាំងពីរនាក់បានសារភាពថា ខ្លួនបានចូលប្រទេសថៃដោយខុសច្បាប់តាមច្រកធម្មជាតិ និងលួចម៉ូតូនៅផ្សាររោងក្លឿ ជាពិសេសរថយន្តដែលមានសោនៅខាងក្នុង។ មុនពេលយកទៅលក់នៅស្រុកខ្មែរក្នុងតម្លៃ១០.០០០-១៥.០០០បាតក្នុងមួយគ្រឿង ហើយបានបង្កឱ្យមានឧបទ្ទវហេតុលើរថយន្តយ៉ាងតិច៥គ្រឿងកន្លងមក ។ទោះយ៉ាងណាអ្នកសារព័ត៏មានយើងមិនទាន់មានការបំភ្លឺពីរមន្ត្រីកុងសុលប្រចាំខេត្តស្រះកែវនៅឡើយបញ្ហាខាងលើនេ៕
ដោយ៖ វណ្ណា
