ខ្សែប្រយុទ្ធ Cole Palmer បានជាប់ជាកីឡាករជម្រើសជាតិអង់គ្លេសប្រចាំឆ្នាំ២០២៣-២០២៤។ ត្រូវបានបោះឆ្នោតឱ្យដោយសាធារណជន ខ្សែប្រយុទ្ធ Chelsea រូបនេះត្រូវបានជ្រើសរើសនាំមុខ Jude Bellingham និង Bukayo Saka ដែលបានបញ្ចប់ក្នុងចំណាត់ថ្នាក់លេខ២និងទី៣។

Palmer ទើបតែបង្ហាញខ្លួនជាលើកដំបូងសម្រាប់ក្រុម Three Lions កាលពីខែវិច្ឆិកាឆ្នាំមុន ក្នុងជ័យជម្នះ ២-០ ទល់នឹង Malta នៅ Wembley។ គាត់បានតំណាងឱ្យប្រទេសរបស់គាត់ចំនួន៩ដងដោយចាប់ផ្តើមការប្រកួតពីរដងជាមួយនឹងការបង្ហាញខ្លួនចំនួន៥ដងក្នុងព្រឹត្តិការណ៍ Euro 2024 ជាកន្លែងដែលគាត់បានស៊ុតបញ្ចូលទីនៅវគ្គផ្តាច់ព្រ័ត្រជាមួយនឹងក្រុមអេស្ប៉ាញខណៈដែលក្រុមរបស់លោក Gareth Southgate បានចាញ់ ២-១។

ការទទួលស្គាល់នេះកើតឡើងបន្ទាប់ពីគាត់ត្រូវបានតែងតាំងជាកីឡាករវ័យក្មេងប្រចាំឆ្នាំរបស់ PFA សម្រាប់ឆ្នាំ២០២៣-២០២៤ ក្នុងខែសីហា បន្ទាប់ពីរដូវកាលដំបូងរបស់គាត់ដ៏អស្ចារ្យនៅ Chelsea។Palmer ដែលបានចូលរួមជាមួយក្រុមតោខៀវពី Manchester City កាលពីរដូវក្តៅមុន ស៊ុតបញ្ចូលទីបាន២៥គ្រាប់នៅក្នុងការប្រកួតទាំងអស់។

គាត់បានស៊ុតបាល់បញ្ចូលទី២ដងសម្រាប់ក្រុមអង់គ្លេស ហើយត្រូវបានគេរំពឹងថា នឹងចូលរួមក្នុងការប្រកួត Nations League នាពេលខាងមុខជាមួយនឹងក្រុមក្រិកនៅថ្ងៃព្រហស្បតិ៍ និងហ្វាំងឡង់នៅថ្ងៃអាទិត្យ។

Palmer គឺជាកីឡាករ Chelsea ដំបូងគេដែលទទួលបានការទទួលស្គាល់ចាប់តាំងពី Ashley Cole ក្នុងឆ្នាំ២០១០។ Frank Lampard ក៏បានឈ្នះពានរង្វាន់នេះផងដែរ ខណៈពេលដែលនៅក្លិបតោខៀវ។ Saka របស់ Arsenal ជាប់ឈ្មោះជាកីឡាករឆ្នើមប្រចាំឆ្នាំក្នុងរយៈពេលពីររដូវកាលកន្លងមក ខណៈដែល Harry Kane, Wayne Rooney និង David Beckham ក៏ជាអ្នកឈ្នះកន្លងមកផងដែរ។ ខាងក្រោមនេះគឺជាកីឡាករដែលធ្លាប់ឈ្នះចាប់ពីឆ្នាំ២០០៣មក៖
2023-24 – Cole Palmer (Chelsea)
2022-23 – Bukayo Saka (Arsenal)
2021-22 – Bukayo Saka (Arsenal)
2020-21 – Kalvin Phillips (Leeds)
2019 – Jordan Henderson (Liverpool)
2018 – Harry Kane (Tottenham Hotspur)
2017 – Harry Kane (Tottenham Hotspur)
2016 – Adam Lallana (Liverpool)
2015 – Wayne Rooney (Manchester United)
2014 – Wayne Rooney (Manchester United)
2012 – Steven Gerrard (Liverpool)
2011 – Scott Parker (Tottenham Hotspur)
2010 – Ashley Cole (Chelsea)
2009 – Wayne Rooney (Manchester United)
2008 – Wayne Rooney (Manchester United)
2007 – Steven Gerrard (Liverpool)
2006 – Owen Hargreaves (Bayern Munich)
2005 – Frank Lampard (Chelsea)
2004 – Frank Lampard (Chelsea)
2003 – David Beckham (Manchester United)៕ (រូបភាព ៖ BBC Sport)