ខេត្តបាត់ដំបង៖ ស្នងការដ្ឋាននគរបាលខេត្តបាត់ដំបង នៅព្រឹកថ្ងៃទី១១ ខែតុលា ឆ្នាំ២០២៤នេះ បានឱ្យដឹងថា ក្នុងរយៈពេលពីរថ្ងៃ កម្លាំងសមត្ថកិច្ចជំនាញក្រុង បានចុះស្រាវជ្រាវរហូតឈានដល់ការឃាត់ខ្លួនក្រុមជនសង័្សយចំនួន០៦នាក់ជាបន្តបន្ទាប់ក្នុងករណីហិង្សាកាប់យកម៉ូតូជនរងគ្រោះនៅក្រុងបាត់ដំបង។
សូុមជម្រាបថា កាលពីថ្ងៃទី៨ និងទី៩ ខែ តុលា ឆ្នាំ២០២៤ អនុវត្តតាមយោបល់ដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង និងដោយបានការសម្របសម្រួលលើនីតិវិធីពីលោក កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង ផងនោះផែនជំនាញនគរបាលព្រហ្មទ័ណ្ឌនិងនគរបាលក្រុងបាត់ដំបង រួមស ហការជាមួយនគរបាលក្រុងប៉ោយប៉ែត ខេត្តបន្ទាយមានជ័យផង បានធ្វេីការស្រាវជ្រាវនិងឃាត់ខ្លួនជនសង័្សយចំនួន០៦នាក់ជាបន្តបន្ទាប់ នាំមកកាន់ស្នងការដ្ឋានដេីម្បីធ្វេីការសាកសួរស្រាវជ្រាវ។
ចំពោះមូលហេតុនៃការឃាត់ខ្លួននេះគឺកាលពីថ្ងៃទី៦ខែតុលាឆ្នាំ២០២៤ ក្រុមជនសង័្សយខាងលេី បានធ្វេីសកម្មភាពហិ-ង្សា កា-ប់ យកម៉ូតូរបស់ជនរងគ្រោះ០១ គ្រឿងម៉ាកហុងដា ឌ្រីមសេ១២៥ ពណ៌ ខ្មៅ ស៊េរីឆ្នាំ ២០២១ ពាក់ផ្លាកលេខ បាត់ដំបង 1AM-2371 ដែលជារបស់ជនរងគ្រោះ ឈ្មោះ អ៊ុន ករុណា ភេទប្រុស អាយុ ២២ ឆ្នាំ មានទីលំនៅភូមិរំចេក២ សង្កាត់រតនៈ ក្រុងបាត់ដំបង ខេត្តបាត់ដំបង ហើយគេចខ្លួនបាត់ ។
ក្រោតកេីតហេតុជនរងគ្រោះប្តឹងមកសមត្ថកិច្ចនគរបាល ហេីយក៏ផ្តេីមស្រាវជ្រាវរហូតឈានធ្វេីការឃា-ត់ខ្លួ-នជាបន្តបន្ទាប់និងដកហូតបាន៖
១-ម៉ូតូម៉ាកហុងដា ឌ្រីម សេ១២៥ ពណ៌ ខ្មៅ ស៊េរីឆ្នាំ ២០២១ ពាក់ផ្លាកលេខ បាត់ដំបង 1AM-2371 ដែលជារបស់ជនរងគ្រោះ
២-ម៉ូតូម៉ាក ហុងដា PCXជារបស់ជនសង័្សយជិះធ្វេីសកម្មភាព។
បច្ចុប្បន្នការិយាល័យជំនាញកំពុងកសាងសំណុំរឿងដើម្បីបញ្ជូនទៅ សាលាដំបូងខេត្តបាត់ដំបងចាត់ការ បន្តតាមនីតិវិធីច្បាប់៕
ដោយ៖ អរុណរះ
