ភ្នំពេញៈ យុវជនប្រុសស្រីចំនួន៥នាក់ខណៈចេញពីកម្មវិធីជួបជុំក៍បេីករថយន្តស៊េរីទំនើបមួយគ្រឿងជ្រុលទៅបុកក្បាលនាគថ្មពុះចែកទ្រូងផ្លូវបណ្ដាលឱ្យរងការខូចខាតទាំងទ្រូងផ្លូវនិងរថយន្តយ៉ាងដំណំ។
ហេតុការណ៍នេះបានកេីតឡេីងនៅវេលាម៉ោង៣ទៀបភ្លឺថ្ងៃទី១១ខែតុលាឆ្នាំ២០២៤ នៅទល់មុខផ្សារទំនើបអុីអន១ ផ្លូវសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុ បានអោយដឹងថា មុនពេលកេីតហេតុគេឃើញយុវជនប្រុសស្រីចំនួន៥នាក់ក្នុងនោះមានស្រី២នាក់ បានបេីកនិងជិះរថយន្តសេ៊រីទំនើបមួយគ្រឿងម៉ាក SOUEAST DX7 ស៊េ៊រីឆ្នាំ២០២២ពណ៌ស ពាក់ស្លាកលេខ ភ្នំពេញ2BR-9061ធ្វើដំណើរតាមបណ្ដោយផ្លូវសុធារសក្នុងទិសដៅពីជើងទៅត្បូងក្នុងល្បឿនលឿន ហេីយសង្ស័យអ្នកបេីកបរស្រវឹងស្រាពេល បើកមកដល់ចំនុចកេីតហេតុ ក៍ស្រាប់តែរេចង្កូតជ្រុលទៅបុកក្បាលនាគថ្មពុះចែកទ្រូងផ្លូវបណ្ដាលឲ្យខ្ទាតក្បាលនាគអស់ចំនួន១កង់ ព្រមទាំងធ្វើអោយរថយន្តខ្ទាតបត់ទទឹងផ្លូវ រងការខូចខាតបាក់រ៉ូទីលកង់មុខចំហៀងខាងឆ្វេង តែសំណាងល្អមិនបង្កអោយមានគ្រោះថ្នាក់ដល់មនុស្សនោះ ទេ ចំណែកអ្នកបេីកបរជាបុរសត្រូវសមត្ថកិច្ចឃាត់ខ្លួនប្រគល់អោយផ្នែកជំនាញចរាចរណ៍ ។
ក្រោយពេលកេីតហេតុ រថយន្ដនិងអ្នកបេីកបរត្រូវសមត្ថកិច្ចជំនាញចរាចរណ៍ស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោកដេីម្បីរង់ចាំដំណោះស្រាយ ៕
ដោយ៖សុខាសែនជ័យ
