ភ្នំពេញ ៖ បុរសម្នាក់ជាអ្នកដឹកបន្លែ បានដួលសន្លប់ស្ដូរស្ដឹងកណ្ដាលផ្លូវ ខណះជិះម៉ូតូត្រឡាប់ពីដឹកបន្លែទម្លាក់ឲ្យម៉ូយទៅបុកនិងរុឺម៉កដឹកទឹកកកដែលកំពុងធ្វើដំណើរតាមផ្លូវ កាលពីវេលាម៉ោង៧ព្រឹក ថ្ងៃទី២៥ ខែតុលា ឆ្នាំ២០២៤ ស្ថិតនៅតាមបណ្ដោយផ្លូវ៣៣៦ កែងនិងផ្លូវ២៦១ ក្នុងសង្កាត់បឹងសាឡាង ខណ្ឌទួលគោក ។
តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា មុនពេលកើតហេតុ គេឃើញបុរសម្នាក់ជិះម៉ូតូហុងដាសង់ឌ្រីមសេ១២៥ ពណ៌ខ្មៅ ពាក់ផ្លាកលេខភ្នំពេញ 1HM. 6346 បានធ្វើដំណើរតាមបណ្ដោយផ្លូវ២៦១ ទិសដៅពីត្បូងមកជើងខណះពេលដែលដឹកបន្លែទម្លាក់អោយម៉ូយហើយ លុះធ្វើដំណើរដល់ចំនុចផ្លូវកោងក៏បត់ចង្កូតទៅឆ្វេងឆ្ពោះទៅផ្លូវ៣៣៦ មិនប្រយ័ត្នក៏ទៅបុកចំរុឺម៉កដឹកទឹកកក់ដែលកំពុងធ្វើដំណើរលើផ្លូវ៣៣៦ចំពាក់កណ្ដាលរុឺម៉កបណ្ដាលឲ្យខាងភាគីម៉ូតូដួលសន្លប់ស្ដូរស្ដឹងកណ្ដាលផ្លូវ ភ្លាមនោះបង្កការភ្ញាក់ដល់ប្រជាពលរដ្ឋបានទំនាក់ទំនងទៅរថយន្ដសង្គ្រោះបន្ទាន់មកសង្គ្រោះភ្លាមៗ ។
ក្រោយពេលកើតហេតុ សមត្ថកិច្ចមូលដ្ឋានចុះដល់ចំនុចកើតហេតុ រួមទាំងភាគីខាងម៉ូតូជនរងគ្រោះបានធ្វើការ សម្របសម្រួលគ្នាដោយដឹងថាភាគីខាងម៉ូតូខុសហើយខាងរុឺម៉កក៏គ្មានការខូចខាតអ្វីក៏បានសម្រេចចិត្តបញ្ចប់រឿងនៅកន្លែងកើតហេតុតែម្ដង៕ដោយ ៖ ភារ៉ា ដង្កោ