ខេត្តកណ្តាល៖ តាមរយៈ (ព័ត៌មានបឋម) បានឱ្យដឹងថា ៖ នាព្រឹកថ្ងៃទី ២៨ ខែតុលាឆ្នាំ២០២៤ មានករណីរថយន្ត៣គ្រឿងបុកគ្នាបណ្ដាលឲ្យជនជាតិជនពីរនាក់ស្លាប់នៅកន្លែងកើតហេតុ ។ ហេតុការណ៍នេះនៅតាមបណ្ដោយកំណាត់ផ្លូវជាតិលេខ ១ ក្នុងចំណុចភូមិពោធិ៍មាវ ឃុំគគីធំ ស្រុកកៀនស្វាយ ខេត្តកណ្ដាល ។

បើតាមប្រភពពីកន្លែងកើតហេតុបានអោយដឹងថា ៖ មានរថយន្តបង្កមួយគ្រឿងម៉ាក់រ៉ាត់ទ័រពណ៌ខ្មៅស្លាកលេខកម្ពុជាNQPKARIN បើកបរទិសដៅពីកើតទៅលិចបើកបរដោយជនជាតិចិននិងអ្នករួមដំណើរបីនាក់ទៀតមិនស្គាល់អត្តសញ្ញាណមកដល់ចំណុចកើតហេតុបានឡើងវ៉ាជែងរថយន្តមួយគ្រឿងម៉ាក់ហាយឡែនឌឺពណ៌ក្រហមស្លាកលេខ ភ្នំពេញ -2AS-4195 បើកបរទិសដៅស្របគ្នាក្នុងហេតុការឡើងវ៉ាជែងនេះបណ្ដាឲ្យទៅបុកនិងរថយន្តក្រុងក្រុមហ៊ុន ដាន ដាន កម្ពុជា-វៀតណាម ដឹកអ្នកដំណើរទើសបញ្ច្រាសទិសគ្នា ពីលិចទៅកើតឆ្ពោះទៅក្រុងបាវិតបង្កអោយបុក ចំពេញពីមុខ មួយទំហឹងបណ្ដាលឲ្យអ្នកបើកបរនិងអ្នករួមដំណើរអង្គុយពីមុខស្លាប់បាត់បង់ជីវិតចំនួនពីរនាក់នៅនឹងកន្លែងកើតហេតុអ្នករួមដំណើរអង្គុយពីក្រោយ២នាក់រងរបួសស្រាល។

ចំណែករថយន្តហាយឡេនឌ័របានជ្រុលចង្កូតទៅបុកជាមួយនឹងរថយន្តបង្ករម៉ាក់រ៉ាត់ទ័របណ្តាលឲ្យរងការខូចខាតយ៉ាងដំណំផ្នែកខាងមុខ។

បច្ចុប្បន្នរថយន្តទាំងបីគ្រឿងត្រូវបានកម្លាំងជំនាញនៃចរាចរណ៍នៃអធិការស្រុកកៀនស្វាយចុះទៅពិនិត្យនិងធ្វើការវាស់វែងរឺឯសាកសពជនរងគ្រោះ រង់ចាំពិនិត្យនិងប្រគល់ជូនសាច់ញាតធ្វើបុណ្យតាមប្រពៃណី ។ ចំពោះព័ត៌មានលម្អិតចាំផ្សព្វផ្សាយបន្តទៀត។
សូមបើកបរគោរពច្បាប់ចរាចរណ៍ ដើម្បីជីវិតខ្លួនឯង នឹងអ្នកដទៃ ថ្ងៃនេះ ថ្ងៃស្អែក គ្មានករណីគ្រោះថ្នាក់ចរាចរណ៍ ៕

ដោយ ៖ សិលា