អ្នកបោះឆ្នោតអាមេរិកជិត 58 លាននាក់បានបោះឆ្នោតជ្រើសរើសប្រធានាធិបតីមុនពេលកំណត់ ខណៈដែលលោកស្រី Kamala Harris កំពុងនាំមុខលើលោក Donald Trump ជាបណ្តោះអាសន្ននៅក្នុងរដ្ឋសមរភូមិចំនួនពីរ។

យោងតាមនាយកដ្ឋានស្រាវជ្រាវការបោះឆ្នោតនៅសាកលវិទ្យាល័យ Florida ក្នុងចំណោមអ្នកបោះឆ្នោតអាមេរិកជិត 58 លាននាក់ដែលបានបោះឆ្នោតនោះ ជាង 30 លាននាក់បានទៅដោយផ្ទាល់ទៅកាន់ស្ថានីយបោះឆ្នោតមុនកាលកំណត់ ហើយប្រហែល 27 លាននាក់បានជ្រើសរើសបោះឆ្នោតតាមសំបុត្រ។
ការបោះឆ្នោតសកលនៅសហរដ្ឋអាមេរិកនៅឆ្នាំនេះនឹងប្រព្រឹត្តទៅនៅថ្ងៃទី 5 ខែវិច្ឆិកា។ ការស្ទង់មតិនាពេលថ្មីៗនេះបង្ហាញថា អតីតប្រធានាធិបតីសាធារណរដ្ឋ Donald Trump និងគូប្រជែងប្រជាធិបតេយ្យ Kamala Harris កំពុងប្រជែងគ្នាយ៉ាងជិតស្និទ្ធទាក់ទងនឹងការគាំទ្រអ្នកបោះឆ្នោត។
ទោះបីជាយ៉ាងណាក៏ដោយ ការស្ទង់មតិសាធារណៈថ្មីមួយដែលធ្វើឡើងដោយ CNN និងបានចេញផ្សាយនៅថ្ងៃទី 30 ខែតុលា បង្ហាញថា លោកស្រី Harris កំពុងទទួលបានអត្ថប្រយោជន៍ជាងលោក Trump នៅក្នុងរដ្ឋសមរភូមិសំខាន់ពីរគឺ Wisconsin និង Michigan ។
ជាក់ស្តែង អនុប្រធានាធិបតី Harris បច្ចុប្បន្នកំពុងនាំមុខលោក Trump ជាបណ្តោះអាសន្នដោយ 6 ពិន្ទុនៅក្នុងរដ្ឋ Wisconsin និង 5 ពិន្ទុនៅរដ្ឋ Michigan ។ បេក្ខជនទាំងពីរបានជាប់នៅក្នុងសមរភូមិរដ្ឋ Pennsylvania នៅពេលដែលទទួលការវាយតម្លៃ 48%។
បើតាមអ្នកវិភាគ បញ្ហាប្រឈមសម្រាប់លោកស្រី ហារីស និងលោក ត្រាំ គឺឈ្នះរាល់ការបោះឆ្នោតដែលអាចធ្វើទៅបាន ពីអ្នកដែលមិនទាន់សម្រេចចិត្តបោះឆ្នោតឲ្យអ្នកណា ជាពិសេសនៅក្នុងរដ្ឋសមរភូមិទាំង៧ ព្រោះមានតែអ្នកបោះឆ្នោតមួយក្រុមតូចប៉ុណ្ណោះ ក៏នឹងសម្រេចដល់ជ័យជម្នះ នោះជាអ្វីដែលត្រូវបានគេចាត់ទុកថាជាការប្រណាំងតឹងបំផុតគ្រប់ពេល៕ ដោយធីរីណា

រូប​ថត​: AP