ទីភ្នាក់ងារឧតុនិយមបាននិយាយថា ព្យុះទីហ្វុង Kong rey បានបោកបក់លើឆ្នេរភាគខាងកើត ស្រុក Taitung នៅម៉ោង 1:40 រសៀលថ្ងៃទី១ខែវិច្ឆិកា (ម៉ោងក្នុងតំបន់)។

កាលពីថ្ងៃទី 1 ខែវិច្ឆិកា  ព្យុះទីហ្វុងដ៏ទំនើប Kong-rey បានបោកបក់នៅតៃវ៉ាន់ (ប្រទេសចិន) ជាមួយនឹងល្បឿនខ្យល់អតិបរមា 184 គីឡូម៉ែត្រក្នុងមួយម៉ោង ដែលបណ្តាលឱ្យមានរលកកម្ពស់រហូតដល់ 10 ម៉ែត្រ និងបង្ខំឱ្យមនុស្សរាប់ពាន់នាក់ត្រូវជម្លៀសចេញ។
យ៉ាងហោចណាស់មនុស្ស 1 នាក់បានស្លាប់ និង 73 នាក់បានរងរបួសនៅក្នុងលក្ខខណ្ឌអាកាសធាតុធ្ងន់ធ្ងរដែលបណ្តាលមកពីព្យុះ។ យោងតាមនាយកដ្ឋានពន្លត់អគ្គីភ័យ អ្នកដែលស្លាប់គឺជាស្ត្រីអាយុ 56 ឆ្នាំនៅពេលដែលដើមឈើមួយបានដួលរលំនៅលើរថយន្តនៅក្នុងស្រុក Nantou ។
មនុស្សប្រហែល 8,600 នាក់នៅក្នុងស្រុក និងទីក្រុងដែលងាយរងគ្រោះ រួមទាំង Yilan, Hualien និង Taitung ត្រូវបានជម្លៀសចេញ។ ជើងហោះហើរក្នុងស្រុក និងអន្តរជាតិជាង 400 ត្រូវបានលុបចោល ខណៈដែលសេវាសាឡាងទាំងអស់ត្រូវបានផ្អាក។
ការិយាល័យ និងសាលារៀននៅទូទាំងកោះតៃវ៉ាន់ (ប្រទេសចិន) ត្រូវបានបិទ ដើម្បីជៀសវាងព្យុះ។ ផ្លូវនានានៃរដ្ឋធានីតៃប៉ិត្រូវបានបិទ ខណៈដែលមានភ្លៀងធ្លាក់ខ្លាំង និងខ្យល់បក់បោកខ្លាំង។
Kong-rey គឺជាព្យុះទី 3 ដែលបានបោកបក់លើកោះតៃវ៉ាន់ ចាប់តាំងពីខែកក្កដា ដែលស្មើនឹងកម្លាំងនៃព្យុះទីហ្វុង Gaemi ដែលជាព្យុះដ៏ខ្លាំងបំផុតដែលបានវាយប្រហារតៃវ៉ាន់ក្នុងរយៈពេល 8 ឆ្នាំកន្លងមកនេះ។ ទោះបីជាយ៉ាងណាក៏ដោយ ជាមួយនឹងកាំនៃ 320 គីឡូម៉ែត្រ ព្យុះ Kong-rey បានក្លាយជាព្យុះដ៏ធំបំផុតក្នុងរយៈពេលជិត 3 ទសវត្សរ៍។ ទីភ្នាក់ងារឧតុនិយមបានព្រមានថា “ឥទ្ធិពលនៃព្យុះទីហ្វុង Kong-rey មកលើកោះតៃវ៉ាន់ទាំងអស់នឹងមានសភាពធ្ងន់ធ្ងរ” ៕

រូប​ថត​: AFP