អ្នកចាំទី Emiliano Martinez បានត្រលប់មកក្រុមជម្រើសជាតិអាហ្សង់ទីនវិញសម្រាប់ការប្រកួតជម្រុះ World Cup នៅខែនេះ បន្ទាប់ពីបានជាប់ពិន័យព្យួរ ខណៈដែលខ្សែបម្រើ Enzo Berrenechea របស់ Valencia ទទួលបានការកោះហៅជាលើកដំបូងដោយគ្រូបង្វឹកលោក Lionel Scaloni កាលពីថ្ងៃពុធ។

Martinez ជាអ្នកចាំទីនៅ Aston Villa នឹងត្រលប់មកបំពេញកាតព្វកិច្ចអន្តរជាតិវិញ បន្ទាប់ពីជាប់បម្រាមពីរប្រកួតពី FIFA សម្រាប់អាកប្បកិរិយាប្រមាថ និងរំលោភលើគោលការណ៍នៃការលេងដោយយុត្តិធម៌។

ក្នុងការប្រកួតជាមួយឈីលី Martinez បានធ្វើកាយវិការមិនសមរម្យជាមួយនឹងពានរង្វាន់ Copa America ខណៈពេលដែលបន្ទាប់ពីចាញ់ជាមួយកូឡុំប៊ី គាត់បានប៉ះកាមេរ៉ាទូរទស្សន៍ក្នុងស្រុក។

កីឡាករ Berrenechea ត្រូវបានបញ្ចូលទៅក្នុងក្រុមរបស់លោក Scaloni ជាលើកដំបូង ដោយកីឡាករវ័យ២៣ឆ្នាំរូបនេះបានបង្ហាញខ្លួនចំនួន៧ដង និងស៊ុតបញ្ចូលទីបាន១គ្រាប់សម្រាប់ Valencia ក្នុងលក្ខខណ្ឌខ្ចីជើងពី Aston Villa នៅរដូវកាលនេះ។

កីឡាករវ័យក្មេង Alejandro Garnacho, Nicolas Paz និង Facundo Buonanotte មកពីក្លិប Manchester United, ក្លិប Como 1907 និងក្លិប Leicester City ត្រូវបានប្រមូលមកវិញជាផ្នែកមួយនៃពិភពលោក និងការផ្លាស់ប្តូរជំនាន់របស់ម្ចាស់ជើងឯក Copa American។

ប្រធានក្រុម Lionel Messi នឹងដឹកនាំអាហ្សង់ទីនចេញទៅប៉ះប៉ារ៉ាហ្គាយនៅថ្ងៃទី១៤ ខែវិច្ឆិកាមុនពេលពួកគេធ្វើជាម្ចាស់ផ្ទះប្រទេសប៉េរូ៥ថ្ងៃក្រោយមក។ អាហ្សង់ទីនកំពុងឈរកំពូលតារាងនៅតំបន់អាមេរិកខាងត្បូងដោយមាន២២ពិន្ទុដាច់ក្រុមលេខ២កូឡុំប៊ី៣ពិន្ទុ។ ខាងក្រោមនេះគឺជាបញ្ជីឈ្មោះសមាជិកក្រុមអាហ្សង់ទីនដើម្បីត្រៀមប្រកួតខាងមុខ៖

អ្នកចាំទី ៖ Emiliano Martinez (Aston Villa), Walter Benitez (PSV Eindhoven) and Geronimo Rulli (Olympique de Marseille)។

ខ្សែការពារ ៖ Nahuel Molina (Atletico Madrid), Gonzalo Montiel (Sevilla), Cristian Romero (Tottenham Hotspur), German Pezzella (River Plate), Leonardo Balerdi (Olympique de Marseille), Nicolas Otamendi (Benfica), Nehuen Perez (Porto), Lisandro Martinez (Manchester United) and Nicolas Tagliafico (Olympique Lyonnais)។

ខ្សែបម្រើ ៖ Enzo Fernandez (Chelsea), Leandro Paredes (AS Roma), Exequiel Palacios (Bayer Leverkusen), Rodrigo De Paul (Atletico Madrid), Alexis Mac Allister (Liverpool), Giovani Lo Celso (Real Betis), Enzo Barrenechea (Valencia), Thiago Almada (Botafogo), Facundo Buonanotte (Leicester City) and Nicolas Paz (Como 1907)។

ខ្សែប្ររយុទ្ធ ៖ Lionel Messi (Inter Miami), Alejandro Garnacho (Manchester United), Nicolas Gonzalez (Juventus), Julian Alvarez (Atletico Madrid), Lautaro Martinez (Inter Milan) and Valentin Castellanos (Lazio) ៕ (រូបភាព ៖ CNA)