ភ្នំពេញ៖ បុរស២នាក់ត្រូវជាបងប្អូនបង្កើតជិះម៉ូតូមិនប្រយ័ត្នបុករថយន្តបែនបេីកបត់ត្រលប់ក្រោយ បណ្តាលឱ្យអ្នកបេីកម៉ូតូដួលចូលក្រោមរថយន្តកិនធ្លាយខួរស្លាប់ម្នាក់ និងម្នាក់ទៀតរបួសស្រាល។
ហេតុការណ៍នេះបានកេីតនៅវេលាម៉ោង៨និង ៤៥នាទីយប់ថ្ងៃ ទី០៧ ខែវិច្ឆិកា ឆ្នាំ២០២៤ផ្លូវ ៥០ម៉ែត្រថ្មីក្រោយផ្សារទំនើបអ៊ីអន៣ ភូមិរលួស សង្កាត់ជេីងឯក ខណ្ឌដង្កោ ។
សពជនងគ្រោះ មានឈ្មោះ ឆេង ដាលៀស ភេទប្រុស អាយុ៣១ឆ្នាំ មុខរបរជាងភ្លើង ស្នាក់នៅ ផ្ទះជួល សង្កាត់ជេីងឯក ខណ្ឌដង្កោ អាសយដ្ឋានភូមិគោគចារ ឃុំគោគចារ ស្រុក តំបែរ ខេត្តត្បូងឃ្មុំ ។
តាមប្រភពព័ត៌មានពីប្អូនដែលអង្គុយខាងក្រោយ បានឱ្យដឹងថាមុខពេលកេីតហេតុពួកគាត់ ២នាក់បងប្អូនបានជិះម៉ូតូម៉ាកហុងដាឌ្រីមពណ៌ខ្មៅពាក់ផ្លាកលេខកណ្ដាល 1W 7199 ចេញពីញាំបាយនៅម្តុំអី អ៊ីអន ៣គោលបំណងជិះម៉ូតូត្រលប់ទៅបន្ទប់ជួលវិញដោយធ្វើដំណើរតាមបណ្ដោយផ្លូវ៥០ម៉ែត្រថ្មី ក្រោយផ្សារទំនើបអ៊ីអន៣ ទិសដៅពីកេីតទៅលិចលុះមកដល់ចំនុចកេីតហេតុក៏ជ្រុលទៅបុកនឹងរថយន្តប្រភេទបែនបេីកចេញពីចាក់ដីបត់ត្រលប់ក្រោយវិញ បណ្តាលឲ្យបុរសជាបងត្រូវជាអ្នកឌុបដួលចូលក្រោមកង់រថយន្តកិនធ្លាយខួរស្លាប់មួយរំពេចតែម្តងចំណែកគាត់អង្គុយខាងក្រោយរងរបួសស្រាល ។
ដោយឡែករថយន្ដដែលបង្កខណៈពេលដែលកិនរួចហើយក៏បន្តបេីករត់គេចបាត់ស្រមោល ។
ក្រោយពេលកើតហេតុសមត្ថកិច្ចមូលដ្ឋានបានចុះដល់ចំនុចកើតហេតុទាក់ទងខាងសមត្ថកិច្ចជំនាញចរាចរ ធ្វើការវាលវែងយករថយន្ដខាងលើនិងម៉ូតូជនរងគ្រោះទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយគ្នានៅពេលក្រោយ។ ចំណែកសពត្រូវបានសមត្ថកិច្ចធ្វើកំណត់ហេតុរួចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
ដោយ ៖ ភារ៉ា ដង្កោ
